Sýǵa batyp bara jatqan jambyldyq jigit qutqaryldy

TARAZ. QazAqparat – Jambyl oblysynda sýǵa batyp bara jatqan jas jigit qutqaryldy, dep habarlaıdy QazAqparat tilshisi.

Sarysý aýdany, Jańatas qalasyndaǵy jaǵajaıda 2001 jyly týǵan jigit sýǵa shomylý kezinde óziniń kúshin asyra baǵalap, nátıjesinde sýǵa bata bastaǵan. Al bul ýaqytta atalǵan sý kózinde kezekshilik atqaryp turǵan Jedel qutqarý qyzmetiniń qutarýshylary álgi jigitti sýdan qutqarǵan.

Sýǵa batqan adamdy jedel qutqarǵan qutqarýshylar shuǵyl túrde alǵashqy dárigerge deıingi kómek kórsetýdi de esten shyǵarmaǵan. Nátıjesinde sýǵa batqan adam medıtsınalyq qyzmetti qajet etpegendikten úıine qaıtarylǵan. Bul týraly Jambyl oblysy TJD baspasóz qyzmeti habarlady.

Osyǵan oraı, TJD tanys emes jáne ruqsat etilmegen sý kózderine shomylýǵa bolmaıtyndyǵyn eskertedi.