Sýǵa batqan balanyń ómirin saqtap qalǵan áıel polıtsııa qyzmetkeri bolyp shyqty

ASTANA. QazAqparat - Oqıǵa elordalyq qoǵamdyq basseınderdiń birinde boldy. Bala ómirin qutqarý sáti beınebaqylaý kamerasyna túsip qalǵan, dep habarlaıdy QazAqparat Polisia.kz-ke silteme jasap.

Vıdeodan sýda es-tússiz jatqan balany qutqarýshy qyzdyń shyǵaryp jatqanyn baıqaýǵa bolady. Keıin ony er adam jerge kóterip jatqyzady. Sol sátte kómekke demalýshy áıelderdiń biri keledi. Ol sheber qımyldarmen júrek-ókpe reanımatsııasyn jasap, balanyń tynysyn qaıtardy.

Jedel járdem qyzmeti kelgennen keıin basseın qyzmetkerleri balany dárigerlerge tapsyrdy. Qazir onyń ómiri men densaýlyǵyna qaýip tónip turǵan joq.

Ata-anasy balany qutqarýǵa qatysqandardyń barlyǵyna alǵystaryn bildirdi.

Belgili bolǵandaı, alǵashqy medıtsınalyq kómek kórsetken áıeldiń esimi - Nazym Sháripova. Ol «Esil» aýdanynyń polıtsııa basqarmasynda anyqtaýshy bolyp jumys isteıdi. Sol kúni polıtseı áıel otbasymen birge demalysta bolǵan. Ol qutqarý kezinde balaǵa zaqym keltirmeý úshin erekshe saqtyqpen qımyldaǵan.