Sýdyń ydystarynda «balalarǵa arnalǵan» degen jazý bolýy tıis

ASTANA. QazAqparat - 2019 jyldyń qańtarynan EAEO-nyń «Tabıǵı mıneraldy sýmen qosa ydystaǵy aýyz sýdyń qaýipsizdigi týraly» tehnıkalyq reglament kúshine endi. Bul týraly QR Indýstrııa jáne ınfraqurylymdyq damý mınıstrligi málim etti, dep habarlaıdy QazAqparat.

«Eýrazııalyq ekonomıkalyq odaqtyń (EAEO) tehnıkalyq reglamenti 2013 jyldyń shildesinen bastap qoldanystaǵy ydystarǵa quıylǵan aýyz sýǵa jáne «Tamaq ónimderiniń qaýipsizdigi týraly» basqa da odaqtyq tehnıkalyq reglamentpen belgilengen mıneraldy aýyz sýǵa qoıylatyn jeke mindetti talaptardy tolyqtyrady. EAEO-nyń jańa qujaty tabıǵı mıneraldy sýǵa, sonyń ishinde ashanaǵa, emdik-ashanaǵa jáne emdik sýǵa, sondaı-aq óńdelgen jáne tabıǵı aýyz sýǵa, balalar tamaǵyna arnalǵan aýyz sýǵa, jasandy mıneraldanǵan aýyz sýǵa qatysty», - delingen taratylǵan málimette.

Tehnıkalyq reglament (EAEO) býyp-túıilgen aýyz sýdyń maqsaty men qaýipsizdigine qatysty tutynýshylardy jańylystyratyn áreketterdiń aldyn alý maqsatynda ázirlendi.

Bul qujat EAEO kedendik aýmaǵynda qoldanýǵa jáne oryndaýǵa mindetti odaqtyń kedendik aýmaǵynda aınalymǵa shyǵarylatyn jáne tutynýshylarǵa ótkizýge arnalǵan býyp-túıilgen aýyz sýdyń qaýipsizdigine qoıylatyn talaptardy, ony óndirý, saqtaý, tasymaldaý tártibin, sondaı-aq odaqtyń kedendik aýmaǵynda onyń erkin aınalysyn qamtamasyz etý úshin aýyz sýdy tańbalaý men oraýǵa qoıylatyn talaptardy belgileıdi.

«Balalar tamaǵyna arnalǵan aýyz sý ydystarynda mindetti túrde «Balalar tamaǵyna arnalǵan» degen jazý paıda bolady. Óndirýshi nemese satýshy aýyz sý (úsh jasqa deıin nemese úsh jastan bastap) qaı jastaǵy balalarǵa arnalǵandyǵy týraly málimet berýi tıis. Sonymen qatar, jalpy mıneraldanýy, hımııalyq elementteri, saqtaý sharttary jáne ydysty ashqannan keıin jaramdylyq merzimi jaıynda habardar etýi kerek», - delingen habarlamada.

Atap aıtqanda, balalar tamaǵyna, emdeý-ashanasyna jáne emdik tabıǵı mıneraldy sýǵa arnalǵan aýyz sýdan ózge býyp-túıilgen aýyz sý aınalymǵa shyǵarar aldynda deklaratsııalanýy tıis.

Tehnıkalyq reglamentpen tolyq Eýrazııalyq ekonomıkalyq komıssııanyń saıtynan https://www.eurasiancommission.org tanysýǵa bolady.