Sýdıa Bıshimbaevtyń qorǵaýshysyna eskertý jasady
Sot otyrysy bastala sala, Bıshimbaevtyń qorǵaýshylary BAQ pen áleýmettik jelide qylmystyq istiń materıaldary jarııalanyp jatqanyna shaǵymdanyp, sottan shara qoldanýdy surady. Biraq memlekettik aıyptaýshy sot otyrysy tikeleı efırde ótip jatqanyn, sondyqtan bul aryz negizsiz ekenin aıtty.
Tipti, sýdıa qorǵaýshylarǵa eskertý jasady. Olar sotty jáne protseske qatysýshylardy adastyrdy dep tanyldy.
Tarqata ketsek, Bıshimbaevtyń qorǵaýshylary sot isinen oqıǵa ornynan keıbir fotosýretterdi kórsetý týraly ótinish jasaǵan bolatyn. Qorǵaýshy bul fotolardy sotqa qatysýshylardyń barlyǵyna kórsetti. Dese de, zardap shekken taraptyń advokaty Bıshimbaevtyń advokattary sot protsesinde qoldanǵan fotosýretter 2024 jyldyń 28 naýryzynda túsirilgenin, oqıǵanyń ózi 2023 jyldyń 9 qarashasynda bolǵanyna nazar aýdardy.
«Siz sýretterdi qylmys bolǵan jerdi tekserý aktisinen alynǵanyn aıtyp, sotty jáne protsestiń basqa qatysýshylaryn adastyrdyńyz. Іs júzinde siz basqa fotosýretti kórsettińiz. Sotty adastyrǵanyńyz úshin sot is boıynsha túpkilikti sheshim shyǵarǵan kezde tıisti sharalardy qabyldaıdy», - dedi sýdıa Aıjan Qulbaeva.
Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy. Munan soń Іshki ister mınıstrligi Qýandyq Bıshimbaevtyń ustalǵanyn rastady.
Ótken jyly 15 qarashada ótken keńeste Memleket basshysy Qasym-Jomart Toqaev Іshki ister mınıstrine Q. Bıshimbaevtiń isin erekshe baqylaýǵa alýdy tapsyrdy. Bıyl 11 qańtarda elorda soty Qýandyq Bıshimbaevty kúzetpen ustaý merzimin 2 aıǵa uzartqan edi, 26 aqpanda Qýandyq Bıshimbaevtyń isi sotqa tústi.
1 naýryzda Qýandyq Bıshimbaevtyń isi boıynsha aldyn ala tyńdaý kúni belgilendi. 11 naýryz kúni Astananyń Qylmystyq ister jónindegi mamandandyrylǵan aýdanaralyq sotynda is boıynsha aldyn ala tyńdaý ótti. Aldyn ala tyńdaý 12 naýryzda jalǵasty.
27 naýryzda elordanyń qylmystyq ister jónindegi mamandandyrylǵan aýdanaralyq sotynda Q.Bıshimbaevtyń isi boıynsha alqabılerdi irikteý ótti. 29 naýryzdaǵy sot otyrysynda marqum Saltanat Núkenovanyń aǵasy Aıtbek Amangeldi kýáger retinde jaýap berip, Qýandyq Bıshimbaev pen Saltanat Núkenovanyń arasyndaǵy alǵashqy urys-kerister qalaı bastalǵany týraly málimetter aıtty jáne marqumnyń bet-álpeti kógergen sýret kórsetti.
1 sáýirdegi sot otyrysynda aıyptalýshy Qýandyq Bıshimbaev marqum S. Núkenovanyń týystarynan keshirim surady.
Sondaı-aq sot eks-mınıstr Qýandyq Bıshimbaevtyń isindegi taraptarǵa áleýmettik jelide pikir bildirýge tyıym saldy.