Sýdy tıimdi paıdalanýǵa halyqty yntalandyrý kerek – Beıbit Atamqulov

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov halyqty sýdy tıimdi paıdalanýǵa yntalandyrýdy usyndy, dep habarlaıdy QazAqparat tilshisi.

«Memleket basshysy atap ótkendeı, sý resýrstaryn tıimdi paıdalanýymyz qajet. Osy máseleni sheshýdiń bir joly – halyqty sýdy tıimdi paıdalanýǵa yntalandyrý. Qolaıly ómir súrý úshin jetkilikti ońtaıly tutyný normasyn aıqyndaı otyryp, saralanǵan tarıfterdi engizý qajet», - dedi Beıbit Atamqulov Úkimettiń búgingi otyrysynda.

Mınıstr barlyq óńirde sý tutynýǵa keshendi taldaý júrgizip, onyń negizinde otbasyna ońtaıly tutyný normasyn aıqyndaý qajettigin aıtty. Bul aýyz sýmen jabdyqtaý óndirisine jáne sarqyn sýdy tazartýǵa jumsalatyn shyǵyndardy ońtaılandyrýǵa múmkindik beredi.

«Memleket basshysynyń tapsyrmasyn oryndaý jergilikti jerlerdegi atqarýshy organdardyń birlesken jáne ózara kelisken jumysyna baılanysty. Ákimdikter halyqty sýmen 100 % qamtamasyz etý úshin 2023 jylǵa deıin jobalaý-smetalyq qujattamany sapaly ázirleýi jáne gıdrogeologııalyq jumystardy aıaqtaýy, halqy az aýyldarda keshendi blok-modýlder ornatýdy jedeldetýi qajet», - dedi B. Atamqulov.

Buǵan deıin B. Atamqulov sýmen qamtamasyz etý deńgeıin artyrý úshin kórsetkishteri tómen óńirlerge basym negizde qarajat bólinetinin aıtty.

Sondaı-aq, halyq sany ósken 50 aýylda sý qubyrlary jelisin keńeıtý úshin bıýdjetten 40 mlrd teńge qajet.