Sýdy únemsiz qoldanǵan aýyl sharýashylyǵy taýar óndirýshilerge tarıf ósedi

<p>ASTANA. KAZINFORM &ndash; Sýdy normadan 20% nemese 50% artyq tutynýǵa jol bergen aýyl sharýashylyǵy taýarlaryn óndirýshiler úshin joǵary tarıf engizý josparlanýda. Bul týraly Sý resýrstary jáne ırrıgatsııa mınıstri Nurjan Nurjigitov málim etti.</p>

«Bizdiń mınıstrlik aýyl sharýashylyǵy taýarlaryn óndirýshi sýarmaly sýyn normatıvten tys tutynǵany úshin joǵary tarıfti engizý bóliginde buıryqtyń jobasyn ázirlep, Ulttyq ekonomıka mınıstrligine bekitý úshin joldady», - dedi Nurjan Nurjigitov Májiliste ótip jatqan «Respýblıkadaǵy sarqyndy sýlardy qaıta paıdalanýdyń problemalary men perspektıvalary» atty dóńgelek ústelde jasaǵan baıandamasynda. 

Mınıstrdiń málimdeýinshe, sýdy normadan 20% nemese 50% artyq tutynýǵa jol bergen aýyl sharýashylyǵy taýarlaryn óndirýshiler úshin joǵary tarıf engizý kózdeledi. 

«Tarıfti kóterýden túsken qosymsha tabysty sý arnalaryn jańǵyrtý men rekonstrýktsııalaýǵa baǵyttaý josparlanǵan. Búgingi tańda Ulttyq ekonomıka mınıstrligi buıryǵynyń jobasy akkredıttelgen uıymdarǵa saraptama júrgizýge jiberildi», - deıdi ol. 

Aıta keteıik, QR Parlamenti Májilisiniń Ekologııa máseleleri jáne tabıǵat paıdalaný komıtetiniń uıymdastyrýymen «Respýblıkadaǵy sarqyndy sýlardy qaıta paıdalanýdyń problemalary men perspektıvalary» atty dóńgelek ústel ótip jatyr.