Sýdanda jańbyr men sý tasqynynan qaza tapqandar sany 77-ge jetti

<p>HARTÝM. KAZINFORM &ndash; Sońǵy úsh kúnde Nil ózeni provıntsııasynda sý tasqyny saldarynan 34 adam qaza taýyp, taǵy 588 adam jaraqat aldy, dep habarlady Anadolu agenttigi Sýdannyń Qyzyl Jarty Aı <a href="https://www.aa.com.tr/ru/%D0%BC%D0%B8%D1%80/%D1%87%D0%B8%D1%81%D0%BB%D0%BE-%D0%BF%D0%BE%D0%B3%D0%B8%D0%B1%D1%88%D0%B8%D1%85-%D0%B2-%D1%80%D0%B5%D0%B7%D1%83%D0%BB%D1%8C%D1%82%D0%B0%D1%82%D0%B5-%D0%BB%D0%B8%D0%B2%D0%BD%D0%B5%D0%B9-%D0%B8-%D0%BD%D0%B0%D0%B2%D0%BE%D0%B4%D0%BD%D0%B5%D0%BD%D0%B8%D0%B9-%D0%B2-%D1%81%D1%83%D0%B4%D0%B0%D0%BD%D0%B5-%D0%B2%D0%BE%D0%B7%D1%80%D0%BE%D1%81%D0%BB%D0%BE-%D0%B4%D0%BE-77-/3299500" target="_blank" rel="noopener">uıymyna</a> silteme jasap.</p>

24 myń 104 úı tolyqtaı, 8 myń 16 úı jartylaı qıraǵan, delingen habarlamada.

Soltústik provıntsııanyń Densaýlyq saqtaý mınıstrligi sońǵy úsh kúnde tolassyz jaýǵan jańbyr men sý tasqyny saldarynan 11 adam qaza taýyp, 86 adam jaraqat alǵanyn atap ótti.

Elde maýsym aıynan beri tolassyz jaýǵan jańbyr men sý tasqynynan qaza tapqandar sany 77-ge jetti.

Birikken Ulttar Uıymynyń Sýdandaǵy gýmanıtarlyq isterdi úılestirý keńsesi eldi qamtyǵan nóser jańbyrdan týyndaǵan sý tasqynynyń saldarynan 73 myń adamnyń zardap shekkenin, 14 myń úıdiń ishinara nemese tolyǵymen qıraǵanyn habarlady.

Sýdannyń 18 provıntsııasynyń 11-inde sý tasqyny baıqalyp, 21 myń 370 adam úılerin tastap ketýge májbúr bolǵan.

Sýdanda shildeden qazanǵa deıin nóser jaýyn, laı kóshkini men sý tasqyny jyl saıyn 100-den astam adamnyń ómirin qıyp, ondaǵan myń úıdi, jumys keńselerin jáne egin alqaptaryn zaqymdaıdy.