Sýdandaǵy qarýly qaqtyǵys 7 mln adamdy úıin tastap ketýge májbúr etti – BUU

<p>Sýdanda jalǵasyp jatqan qarýly qaqtyǵys 7 mln adamdy úılerin tastap ketýge májbúr etti. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.aa.com.tr/ru/%D0%BC%D0%B8%D1%80/%D0%BE%D0%BE%D0%BD-%D0%B2%D0%BE%D0%BE%D1%80%D1%83%D0%B6%D0%B5%D0%BD%D0%BD%D1%8B%D0%B9-%D0%BA%D0%BE%D0%BD%D1%84%D0%BB%D0%B8%D0%BA%D1%82-%D0%B2-%D1%81%D1%83%D0%B4%D0%B0%D0%BD%D0%B5-%D0%B2%D1%8B%D0%BD%D1%83%D0%B4%D0%B8%D0%BB-7-%D0%BC%D0%BB%D0%BD-%D1%87%D0%B5%D0%BB%D0%BE%D0%B2%D0%B5%D0%BA-%D0%BF%D0%BE%D0%BA%D0%B8%D0%BD%D1%83%D1%82%D1%8C-%D1%81%D0%B2%D0%BE%D0%B8-%D0%B4%D0%BE%D0%BC%D0%B0/3083211" target="_blank" rel="noopener">Anadoly</a> aqparat agenttigine silteme jasap habarlaıdy.&nbsp;</p>

Bul týraly BUU-nyń bosqyndar isi jónindegi Joǵarǵy komıssar Fılıppo Grandı X áleýmettik jelisinde habarlady.

«Jeti mıllıon bosqyn men qonys aýdarǵan adamdar. Biraq álem buǵan beıjaı qaldy», - dep jazdy ol.

Sýdan armııasy men jedel eleý kúshteri arasyndaǵy qarýly qaqtyǵys 15 sáýirde bastaldy. Qaqtyǵysqa sebebi JEK-ty armııa qurylymyna biriktirý máselesi boldy. El astanasynda bastalǵan urys kóp uzamaı basqa aımaqtarǵa da tarady. Sýdan úkimeti halyqaralyq qaýymdastyqty JEK-ti «lańkestik top» dep jarııalaýǵa shaqyrdy.

Qantógis atysty toqtatý týraly kelisim jasalyp, qaqtyǵysqan taraptarǵa halyqaralyq qysym jasalsa da toqtamady. El astanasy Hartýmnan bólek eldiń batysy men ońtústik-batysyndaǵy toǵyz provıntsııada aýyr qarý qoldanylǵan urys júrip jatyr.

BUU málimetinshe, 25 mln sýdandyq azamat, ıaǵnı halyqtyń jartysyna jýyǵy gýmanıtarlyq kómekke zárý. Armııa men JEK arasyndaǵy urys saldarynan 10 myńnan astam beıbit turǵyn qaza taýyp, myńdaǵan adam jaraqat aldy. Halyqaralyq qaýymdastyqtyń atysty toqtatýǵa qol jetkizý áreketteri ózara aıyptaýlar men taraptardyń alǵa qoıylǵan sharttardy kelise almaýynan nátıje bermedi.

Kelissózder aıasynda taraptar sońǵy ret 7 qarashada Saýd Arabııasynyń Jıdda qalasynda kezdesti.