Sýdanda 130 áıel jynystyq zorlyqtan jaltarý úshin úshin óz-ózine qol jumsaǵan

<p>ASTANA. KAZINFORM &ndash; Sýdanda 130 áıel jynystyq zorlyq-zombylyqtan qutylý úshin óz-ózine qol jumsady, olardyń kópshiligi quqyq qorǵaý organdaryn aıyptady. Bul týraly Nıgerııanyń &laquo;News Central&raquo; telearnasynyń efırinde quqyq qorǵaýshy <a href="https://www.youtube.com/watch?v=T9Voctv1u-o" target="_blank" rel="noopener">Hala Al-Karıb</a> málimdedi.</p>

Onyń aıtýynsha, bul tek belgili jaǵdaılar, áıelderdiń óz-ózine qol jumsaý faktileri naqty statıstıkadan áldeqaıda kóp.

BUU mıssııasy sonymen qatar Sýdandaǵy jynystyq zorlyq-zombylyq týraly habarlap, onyń aýqymyn «jaǵa ustarlyq» dep sıpattady.

Toptyq zorlaý, jynystyq quldyq jáne májbúrli nekege turýdyń qurbandary 8 ben 75 jas aralyǵyndaǵy áıelder. Quqyq qorǵaýshylar bul qylmystardyń kópshiligine Sýdan jedel áreket etý kúshteriniń múshelerin kinálaıdy. 2023 jyly olar men Sýdan qarýly kúshteri arasynda qarýly qaqtyǵys bastalyp, nátıjesinde 14 mıllıon adam bosqynǵa aınalǵan.

Hala Al-Karıbtiń aıtýynsha, kóptegen qalalarda qaqtyǵysta jeńgen taraptyń sarbazdary áıelder men qyzdardy lagerlerine aparady, sol jerde olardy qorlaıdy nemese adamgershilikke jatpaıtyn jaǵdaıda ustap, jynystyq quldyqqa májbúrleıdi.

2024 jyly elde tutqynǵa alynǵan qyzdardy kúshtep kúıeýge berý faktileri kúrt ósken. Quqyq qorǵaýshy birer kún buryn áskerıler bir aýyldy basyp alyp, er-azamattary óltirilgende olardyń qolyna túspeý úshin 100-den astam áıel óz-ózine qol jumsaǵanyn aıtty.

Eldegi táýelsiz halyqaralyq faktilerdi anyqtaý mıssııasynyń jetekshisi Mýhammad Chande Osmannyń aıtýynsha, qazirgi ýaqytta Sýdanda qaýipsiz oryn atymen joq.