Sýdaǵy qaýipsizdik sharalaryn kúsheıtý kerek – Álıhan Smaıylov
«Taǵy bir mańyzdy másele – ol sýǵa túsý, shomylý qaýipsizdik sharalary. Jaýapty organdar beıbit kúnde azamattarymyzdyń ózen-sýǵa batyp jatqanyna qarap otyrmaý kerek. Qazir shomylý maýsymynyń qyzǵan shaǵy. 1 maýsymnan beri elimizde 140 adam sýǵa ketken, onyń 49-y bala. Byltyrmen salystyrǵanda adamdardyń sýǵa batýy 42 paıyzǵa qysqarǵan. Sonda da, bul kórsetkish óte joǵary dep sanaımyn», - dedi Á. Smaıylov.
Osy oraıda Úkimet basshysy el azamattary balalar qaýipsizdigine saq bolýy qajet ekenin atap ótti.
«Biz qaıǵyly jaǵdaılarǵa jol bermeý úshin barlyq sharalardy qabyldaýymyz kerek. Tótenshe jaǵdaılar, Ekologııa mınıstrlikterine ákimdiktermen birlesip sýdaǵy qaýipsizdik sharalaryn kúsheıtýdi, onda qutqarýshylardyń bolýyn baqylaýdy tapsyramyn. Halyq arasynda túsindirý jumystaryn keńinen júrgizip, sýǵa túsýge bolmaıtyn jerlerdi anyq belgileý qajet», - dedi Premer-Mınıstr.
Budan buryn habarlanǵandaı, Úkimet basshysy revaktsınatsııalaý jumystaryn jandandyrýdy tapsyrdy.
Foto: primeminister.kz