Sýdıalar Odaǵynyń kezekten tys VII sezi ótetin ýaqyt belgili boldy

ASTANA. QazAqparat - Qazaqstan Respýblıkasynyń Sýdıalar Odaǵy 2016 jyldyń maýsymynda Sýdıalar Odaǵynyń kezekten tys VII sezin shaqyrý týraly qaýly qabyldady. Sezd Astana qalasynda ótedi.

Atalǵan sheshim sýdıalardyń kásibı jáne moraldyq beınesine degen qoǵam talabynyń artýyna, sondaı-aq Sýdıalar ádebiniń jańa kodeksin qabyldaý qajettigine baılanysty qabyldandy. Bul - bes ınstıtýtsıonaldyq reformany iske asyrý jónindegi «100 naqty qadam - barshaǵa arnalǵan qazirgi zamanǵy memleket» Ult Josparynyń № 19 qadam is júzinde oryndaý.

Qaýlyǵa sáıkes, sezge ókildik etý normasy Sýdıalar Odaǵynyń 15 múshesine 1 delegattan qatysý qaǵıdaty boıynsha belgilendi. Osy rette aýdandyq sýdıalar men otstavkadaǵy sýdıalar delegattarynyń arasyndaǵy ókildik etý qamtamasyz etilýi tıis. Sýdıalar odaǵynyń fılıaldaryna delegattyqqa kandıdattar tizimine oblystyq jáne oǵan teńestirilgen sottardyń tóraǵalaryn, Sýdıalar Odaǵynyń oblystyq fılıaldarynyń tóraǵalaryn, Ortalyq Keńes pen Ortalyq revızııalyq komıssııa múshelerin engizý usynyldy.

2016 jyldyń qańtarynda sezd delegattaryn saılaý boıynsha sýdıalardyń oblystyq konferentsııalary ótkizilýi tıis.