Sýdıalar da senbilikke qatysty
Joǵary sot organynyń ókilderi 200-den astam qaıyń, shyrsha, alma, mamyrgúl, terek kóshetterin, sondaı-aq 200-den astam tal-shilik otyrǵyzdy.
«Senbilikterge qatysqan saıyn elordany gúldendirý men abattandyrýǵa meniń az da bolsa qosqan úlesim bar ekenin bilgende keýdemdi maqtanysh sezimi bıleıdi. Bul kúndi kópshiligi eńbektiń saltanaty, týǵan qalańa degen mahabbat retinde qabyldaıdy. Men osy jerde týyp ósken astanalyq emespin, biraq elordamyz, onyń qubylmaly aýa raıy maǵan unaıdy. Elorda turǵyndary men qonaqtaryn qalamyzdy taza ustaýǵa shaqyramyn!», - dedi Joǵarǵy Sottyń sýdıasy Erbol Rahymbekov.
Aıta keteıik, búgin Astanada shamamen 6 750 aǵash otyrǵyzyldy. Shara aıasynda «Taza ózender!» ekologııalyq aktsııalary uıymdastyrylyp, Esil, Aqbulaq pen Sarybulaq ózenderiniń arnalary qoqys pen turmystyq qaldyqtardan tazartyldy. Elordada ekologııalyq aılyq aktsııasy 29 sáýir men 13 mamyr aralyǵynda ótkiziledi.