Sýdıalar bir kúnde 16 sheshim shyǵarady - Jaqyp Asanov
"Mundaǵy basty sebepterdiń biri - sýdıa júktemesiniń jyldan-jylǵa ósýi bolyp otyr. Bes jyl buryn sot júıesi jylyna 1 mln 300 myń is qarasa, 2017 jyly bul kórsetkish eki ese ulǵaıyp, 2 mln 700 myńǵa jetken. Sonda bir mezette árbir sýdıanyń óndirisinde orta eseppen 100 is pen materıal bar, Astana men Almatyda 300-ge deıin jetedi. ıAǵnı, sýdıalar kúnine 16 is pen materıal boıynsha sheshim qabyldaıdy", - dedi Jaqyp Asanov.
Sondaı-aq, Joǵarǵy Sot tóraǵasy sýdıa sheshimine zańnamadaǵy kemshilikterdiń de yqpal etetinin jasyrmady.
"Ekinshiden, bizdiń zańnamamyzda kóp jaǵdaıda naqtylyq joq. Bylaı da sheshýge bolady, bylaı da sheshýge bolady. Al zańnamanyń kemshiligi erteń sýdıanyń kemshiligi bolady. Óıtkeni árbir tarap sol zańdy óz paıdasyna qabyldaıdy. Basty sebepter bul emes, eń basty sebep - sýdıalardyń sóz sheberliginiń azdyǵy. Biz sot aktisin negizdep túsinikti tilmen jaza bilmeımiz, jazǵanymyzdy qarapaıym tilmen túsindire almaımyz, sendire almaımyz. Sondyqtan da adamdar sýdıanyń ne sebepti osyndaı qorytyndyǵa kelgenin túsinbeıdi. Túsinbegendikten, sot zalynan sýdıaǵa ǵana emes, búkil memleketke ókpelep shyǵady", - dedi Joǵarǵy Sot Tóraǵasy.