Sýdıa laýazymyna neshe jastan bastap kirisý kerek
«Sýdıanyń jumysy adamdardyń taǵdyrymen tikeleı baılanysty. Sondyqtan munda ómirlik tájirıbe, tepe-teńdik jáne beıtaraptyq mańyzdy. Sottar da tiri organızm sııaqty damıdy. Táýelsizdiktiń basynda, toqsanynshy jyldary kóptegen daýlar kúshtiniń paılasyna sheshilgenin bilemiz. Sotqa júginý osy kezde beleń alyp bastady. Daý-damaılar sany, órkenıetti kózqaras ósip, sýdıalar sany artty. Daýlardy sheshý joldary birtindep sottarǵa aýysqany óte jaqsy. Azamattardyń kez kelgen problema boıynsha sotqa júginýi qoǵam sot júıesine senetinin kórsetse kerek», - dep túsindirdi Qanat Mýsın.
Onyń aıtýynsha, júıeniń shamadan tys júktemesi sekildi problema bar.
«Sot júıesi quldyrady dep aıtqym kelmeıdi. Biraq, sotta sheshilýi kerek usaq daýlar kóbeıe bastady. 2018 jyly sýdııalar 4,5 mln isti qaraǵan eken. Al elimizde aýdannan joǵarǵy deńgeıge deıin 2 600 sýdıa bar. 4,5 isti 2 600-ge, odan keıin 12 aı men 30 kúnge bólsek, sýdıanyń júktemesi sonshalyq aýyr ekenin kóremiz. Kúnine bir sotta 812 sheshim qabyldaný qajet boldy. Balǵanyń únimen shtamptalǵan sheshimder kóbeıdi deýge bolady. Buǵan qoǵam óz narazylyǵyn bildire aldy. Qoǵam sottyń azamattar problemalaryna asa bas qatyrmaıtynyn baıqaı bastady. Sondyqtan sýdıalar korpýsyn qurýǵa týra keldi. Kadr tapshylyǵy bolǵan kezde, daıyndyqtan ótpegen kandıdattar keldi», - dep túsindirdi Qanat Mýsın.
Onyń aıtýynsha, sot júıesin reformalaý barysynda sýdııalar korpýsyna mamandardy irikteý qatań tártippen júrgizile bastaǵan.
«Biz qatań HR súzgisin engizdik. Olar júıeni álsiz zańgerlerden alastaı bildi. Álsiz zańgerler úshin sýdıa mamandyǵyna jol jabyldy», - dedi ol.
Baǵdarlama barysynda Qanat Mýsın bolashaq sýdıalardyń qyzmetke qalaı daıyndalyp jatqanyn datúsindirdi.
«Daıyndyq kezeńi 1,5 jyldan asady. Osy ýaqyt ishinde úmitkerler esse jazady. Olar nege sýdıa bolǵysy keletinin baıandaıdy. Minez ereksheligin anyqtaý úshin testilerden, psıhıka, fızıologııa synaýlarynan ótedi. Sodan keıin akademııada oqýdan ótedi. Oqýdyń qorytyndysy retinde emtıhan tapsyrady. Bul súzgiler sýdıa retinde moraldyq turǵydan damyp úlgermegen nemese quzyrettiligi jetkiliksiz adamdardy shyǵaryp otyrýǵa kómektesedi. Ózi týraly jibi túzý sıpattama jaz almaǵan adam erteń jóndi sheshim de shyǵara almaıdy. Shyǵarǵannyń ózinde onysyn negizdeı almaıdy. Al sýdıanyń sheshiminen breýdiń taǵdyry sheshiledi. Bizde 30 jastan bastap sýdıa bolýǵa bolady. Árıne, ómirlik tájirıbe mańyzdy. 100% úmitkerdiń 6-dan 8%-ǵa deıin ǵana súzgiden ótedi» - dedi QR Joǵarǵy sotynyń Ákimshilik ister jónindegi sot alqasynyń tóraǵasy.