Sýbsıdııany bólýdi avtomattandyrý oń nátıje berýde - Qarjy mınıstrligi

NUR-SULTAN. QazAqparat - Parlament Senaty Qarjy jáne bıýdjet komıtetiniń keńeıtilgen otyrysynda QR birinshi qarjy vıtse-mınıstri Berik Sholpanqulov bıýdjettik josparlaýdyń avtomattandyrylýy týraly aıtyp berdi, dep habarlaıdy QazAqparat tilshisi.

Onyń sózine qaraǵanda, avtomattandyrý sharalary negizgi basymdyqqa ıe bolýda, sebebi bul qadamdar bıýdjettik josparlaýdy jetildirý múmkindigin beredi.

«Biz bıýdjettik josparlaýdy avtomatty rejımde iske qostyq. 2020 jyldan 2022 jyl aralyǵynda bıýdjet avtomatty rejımde qalyptasatyn bolady. Budan bólek, sýbsıdııany bólý baǵytynda avtomattandyrý qarastyrylǵan. Aýyl sharýashylyǵy mınıstrligi boıynsha avtomattandyrý sharalary júrgizilip, qanatqaqty joba sátti ótti. Árıne, keıbir kemshilikter de bar, olardy jaqynda joıatyn bolamyz», - dedi Sholpanqulov 2018 jylǵy respýblıkalyq bıýdjettiń atqarylýyn talqylaýǵa arnalǵan otyrysta.

Onyń aıtýynsha, bólinetin sýbsıdııalardy avtomattandyrý bıznesti qoldaýǵa bıýdjetten bólinetin qarjynyń tıimdiligin baǵalaýǵa múmkindik beredi, sondaı-aq taldaý sharalarynyń tıimdiligi de artady.

B. Sholpanqulov 2019 jyldyń ekinshi jartysynda avtomattandyrýdy sýbsıdııanyń barlyq túrlerine taratý josparlanyp otyr.