Sýbsıdııalaýdyń aqparattyq júıesi Aqmola oblysynda ilki rejımde iske qosylady - Qarashókeev
«Memleket basshysynyń tapsyrmasy aıasynda salany memlekettik qoldaý júıesin túzetý boıynsha usynystar ázirlendi. Bul, eń aldymen, onyń tetikterin ońaılatýǵa jáne baǵyttardy ońtaılandyrýǵa, túpkilikti nátıjege baǵdarlanýǵa baǵyttalatyn bolady. Sondaı-aq, sýbsıdııa alýshylar naqty ındıkatıvtik kórsetkishterge qol jetkizý boıynsha qarsy mindettemelerdi mindetti túrde qabyldaıtyn norma engiziledi», - dedi mınıstr.
Onyń atap ótýinshe, qazirgi ýaqytta usynystardy AÓK-ni memlekettik qoldaýdyń tıimdiligin arttyrý boıynsha qurylǵan jumys toby qaraýda. Oǵan salalyq qaýymdastyqtar men odaqtardyń, agrobıznestiń, ǵylymnyń, múddeli memlekettik jáne jergilikti atqarýshy organdardyń ókilderi, sondaı-aq QR Parlamentiniń Senaty men Májilisiniń depýtattary kirdi. Qazirgi ýaqytta jumys tobynyń úsh otyrysy ótti.
«Jumys toptaryn ótkizý qorytyndysy boıynsha 2022 jylǵy naýryzda sýbsıdııalaý júıesin jetildirý boıynsha túpkilikti ózgerister toptamasy Úkimettiń qaraýyna engizý josparlanýda. Budan basqa, mınıstrlik sýbsıdııalaýdyń biryńǵaı ıntegratsııalanǵan memlekettik aqparattyq júıesin ázirledi. Sýbsıdııa alýshylar úshin aqparattyq júıeniń qyzmetteri tegin bolady. Qazirgi ýaqytta biz onyń testileýin Aqmola oblysynda ilki rejımde iske qosamyz», - dedi Erbol Qarashókeev.