Sýbsıdııalaý boıynsha biryńǵaı aqparattyq júıe ázirlenedi

NUR-SULTAN. QazAqparat – QR Aýyl sharýashylyǵy birinshi vıtse-mınıstri Aıdarbek Saparov AÓK-tiń negizgi makroekonomıkalyq kórsetkishteri, ósimdik sharýashylyǵy, aýyl sharýashylyǵy ónimderin qaıta óńdeý salalaryn damytý qorytyndylary, fıtosanıtarııalyq jáne veterınarııalyq qaýipsizdiktiń jaı-kúıi, ınvestıtsııalar tartý jáne 2022 jylǵa arnalǵan mindetter týraly aıtty, dep habarlaıdy QazAqparat.

«2021 jyly aýyl sharýashylyǵynyń jalpy óniminiń kólemi 2,4% tómendep, 7,4 trln teńgeni qurady. Azyq-túlik ónimderiniń óndirisi kórsetilgen kezeńde 1,9% ósip, 2,2 trln teńge bolǵan. Aýyl sharýashylyǵynyń negizgi kapıtalyna ınvestıtsııalar aǵymynyń turaqty úrdisi saqtalyp otyr. Osylaısha, ınvestıtsııalar kólemi 33,3% artyp, 773,2 mlrd teńge boldy, azyq-túlik óndirisi 3,1% ósip, 114,4 mlrd teńgeni qurady», - dep atap ótti birinshi vıtse-mınıstr vedomstvonyń keńeıtilgen alqa otyrysynda.

Memleket basshysynyń tapsyrmasyna sáıkes, salany memlekettik qoldaý júıesin túzetý boıynsha usynystar ázirlendi, olar bıylǵy naýryz aıynda usynylatyn bolady. Veterınarııa júıesin reformalaý júrgizilip jatyr, «Jeke qosalqy sharýashylyq týraly» zań ázirlendi, aýyl sharýashylyǵy maqsatyndaǵy jer ýchaskeleriniń shekti mólsherlerin aıqyndaý boıynsha jumys bastaldy.

Aıdarbek Saparov sýbsıdııalaýdyń jańa júıesindegi basty jańalyqtardyń biri – ony tsıfrlyq formatqa aýystyrý bolatynyn, búginde sýbsıdııalaýdyń biryńǵaı memlekettik aqparattyq júıesin ázirleý aıaqtalatynyn atap ótti.

«Onyń negizgi qyzmeti – avtomatty rejımde sýbsıdııa alýshylardyń tizilimin qalyptastyrý, olardyń EQJJ boıynsha aýyl sharýashylyǵy taýaryn óndirýshiler sanatyna sáıkestigin tekserý, sýbsıdııa alýshylardyń qarsy mindettemelerin tirkeý jáne olardyń oryndalý dárejesin, sýbsıdııa alý kezegi men qanaǵattandyrylmaǵan ótinimderdi kútý paraǵyn baǵalaý bolady», - dep birinshi vıtse-mınıstr.

Bul júıe fermerler úshin tegin bolady jáne barlyq negizgi memlekettik derekqorlarmen biriktiriledi. Júıeniń barlyq is-qımyldary avtomattandyrylyp, bul sýbsıdııalardy bólý jáne berý kezinde sybaılas jemqorlyq táýekelderin barynsha azaıtýǵa múmkindik beredi.

Mınıstrliktiń habarlaýynsha, bıylǵy kóktemgi egis jumystaryn ýaqytyly jáne sapaly júrgizý maqsatynda jumysty úılestirý jónindegi jedel shtab quryldy, «Keń dala» baǵdarlamasy arqyly AShTÓ-ge jeńildikpen kredıt berýge 70 mlrd teńge bólindi, al azyq-túlik korporatsııasyn forvardtyq satyp alý baǵdarlamasy arqyly 80 mlrd teńge baǵyttalady, bul ótken jylǵy deńgeıden 2 esege artyq.