Sýbsıdııadaǵy kemshilikter: mınıstr jazalanǵan qyzmetkerlerge qatysty pikir bildirdi

<p>ASTANA. KAZINFORM &ndash; Aýyl sharýashylyǵy mınıstri Aıdarbek Saparov sýbsıdııa máselesinde kemshilikterge jol berip, ákimshilik jaýapqa tartylǵan mınıstrliktiń laýazymdy qyzmetkerine qatysty pikir aıtty.</p>

- Júıede balansqa qoımaý deregi anyqtaldy. Bul turǵyda býhgaltermen birge tıisti jumystar atqarylýy kerek edi. Sonymen qatar, tıisti júıe aqparattyq qaýipsizdikten ótpegen. Bul máselelerge qatysty tsıfrlandyrý departamentiniń basshysy jaýapkershilikke tartyldy. Atap aıtqanda, olar endi baqylaýdy kúsheıtýi kerek. Bir qyzmetkerge (ákimshilik jaýapkershilikke tartylǵan) sógis jarııalandy, ekinshisine - aıyppul salyndy. Eger jumystarynda osy kemshilikterin joımasa, onda qyzmetinen bosatylady, - dedi A. Saparov Parlament Májilisinde tilshiler suraǵyna jaýap bere otyryp.

Buǵan deıin habarlanǵandaı, Joǵary aýdıtorlyq palatanyń tóraǵasy Álıhan Smaıylov aýyl sharýashylyǵyndaǵy sýbsıdııanyń tıimdiligine qatysty aýdıt qorytyndysyn jarııalady. Aýyl sharýashylyǵy mınıstrligi men óńirlerdegi basqarmalardyń 8 laýazymdy qyzmetkeri ákimshilik jaýapkershilikke tartylǵan.

Sonymen qatar, jalpy aýdıt nátıjeleri boıynsha 142 mlrd teńge bıýdjet qarajatynyń tıimsiz josparlanǵany jáne paıdalanylǵany, 2 mlrd teńgege qarjy salasyndaǵy talaptardy buzý derekteri anyqtaldy. 4 fakt boıynsha materıaldar quqyq qorǵaý organdaryna jiberiledi.