Sýbsıdııa qarajatyn durys ıgermegen óńirlerge sanktsııa salynady

ASTANA. QazAqparat – Bıyldan bastap aýyl sharýashylyǵyndaǵy sýbsıdııany ıgerý erejesi qatańdaıdy. Bul týraly Aýyl sharýashylyǵy mınıstri Erbol Qarashókeev vedomstvonyń keńeıtilgen alqa májilisinde málim etti, dep habarlaıdy QazAqparat tilshisi.

«Bıyldan bastap barlyq sýbsıdııalar jalpy sıpattaǵy transferttermen jergilikti bıýdjetter bazasyna berilgenin atap ótkim keledi. 2023-2025 jyldarǵa arnalǵan memlekettik qoldaý kólemi shamamen 400 mlrd teńgege jetkizildi. Oblys ákimdikteri agroónerkásip keshenin sýbsıdııalaýǵa bıýdjet qarajatynyń eń tómen kólemin bólýdi qamtamasyz etýi qajet», - dedi mınıstr.

Bul ereje boıynsha, óńirler sýbsdııanyń qarajatyn maqsatyna saı qoldanbasa arnaıy sanktsııa salynady.

«Eger agroónerkásiptik keshendi sýbsıdııalaýǵa baǵyttalǵan qarajat, qandaı da bir óńirde basqa maqsattarǵa berilse, onda sýbsıdııaǵa qosymsha qajettilik paıda bolǵan kezde aıyppul sanktsııasy retinde qarajat respýblıkalyq bıýdjetten bólinbeıdi. Agroónerkásiptik keshendi damytýdyń 2030 jylǵa deıingi tujyrymdamasyn Memleket basshysynyń jańa tapsyrmalaryn, zaman ózgeristerin eskere otyryp ózektendirý jumysy júrip jatyr», - dep túıindedi Erbol Qarashókeev.