Sýbsıdııa berýdegi zańbuzýshylyqtar qaıtalanbaýy kerek – Qasym-Jomart Toqaev

NUR-SULTAN. QazAqparat – Memleket basshysy Qasym-Jomart Toqaev Májilistiń jalpy otyrysynda sýbsıdııa berýdegi ózekti máseleler týraly aıtty, dep habarlaıdy QazAqparat.

«Sýbsıdııany turaqty berýge qatysty másele jıi kóteriledi. Men buǵan deıin sýbsıdııalaý tásilderin qaıta qaraý qajettigi týraly tapsyrma bergen bolatynmyn. Bul jumys qysqa merzim ishinde atqarylýǵa tıis. Biz sýdsıbııa alýdy jeńildetýge, onyń qoljetimdi bolýyn jáne ashyqtyǵyn qamtamasyz etýge tıispiz.

Jýyrda bolǵan zańbuzýshylyqtardyń qaıtalanýyna jol bermeý mańyzdy. Aldaǵy úsh jylda azyq-túlik qaýipsizdigi máselesin túbegeıli sheshý qajet. Bul – Úkimet pen ákimderdiń aldynda turǵan negizgi basymdyq ekenine aıryqsha nazar aýdaramyn», - dedi Q. Toqaev Májilistiń jalpy otyrysynda.

Memleket basshysy naryqta azyq-túlik taýarlary mol bolmasa, ınflıatsııany ustap turýǵa eshqandaı shara kómektespeıtinin basa aıtty.

Buǵan deıin Prezıdent astyq túsimi kemigenin jáne bıyl da jem-shóppen qamtamasyz etý qıyndaıtynyn málim etken edi.