Sýbsıdııa beriletin áýe baǵyttaryna ekinshi konkýrs jarııalandy

NUR-SULTAN. QazAqparat - Sýbsıdııa beridetin áýe baǵyttaryna ekinshi konkýrs jarııalandy, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

Halyqtyń áýe qatynasyna qajettiligin qanaǵattandyrý úshin Indýstrııa jáne ınfraqurylymdyq damý mınıstrliginiń azamattyq avıatsııa komıteti 2020 jylǵa arnalǵan jolaýshylardy, bagaj, júk pen pochta jóneltilimderin tasymaldaý úshin sýbsıdııalanatyn avıamarshrýttar boıynsha konkýrs jarııalaıdy.

Bıylǵy 2 shildede ótetin konkýrsta áýe kompanııalary myna baǵyttarǵa talasa alady:

- Nur-Sultan – Balqash – Nur-Sultan;

- Nur-Sultan – Úsharal - Nur-Sultan;

- Almaty – Jezqazǵan – Almaty.

Konkýrs qujattarynyń toptamasyn 2020 jylǵy 1 shilde saǵat 10:00-ge deıin Nur-Sultan qalasy Qabanbaı batyr dańǵyly, 32/1 mekenjaıynan alýǵa bolady.

Konkýrsqa qatysý úshin qajetti qujat usynatyn sońǵy merzim - 2020 jylǵy 1 shilde, saǵat 18:30.