Sýbsıdııa alýshylardyń jaýapkershilikteri bolmaı tur – Erbol Qarashókeev

NUR-SULTAN. QazAqparat – Agrarlyq saladaǵy oqý oryndarynda bilim berý baǵdarlamalaryn jańartý mańyzdy. Búgin Senattaǵy parlamenttik tyńdaýda Aýyl sharýashylyǵy mınıstri Erbol Qarashókeev osylaı aıtty, dep habarlaıdy QazAqparat tilshisi.

«Agrarlyq ǵylymnyń jáne aýyl sharýashylyǵy úshin kadrlar daıarlaýdyń jaı-kúıi jetildirýdi qajet etedi. Otandyq ǵalymdardyń ǵylymı ázirlemelerin óndiriske engizýde jáne olardy kommertsııalandyrýda kemistikter az emes. Sondaı-aq bilimdi taratýdyń naqty júıesin qalyptasyrýymyz qajet. Oqý oryndaryndaǵy bilim berý baǵdarlamalaryn jańartý mańyzdy», - dedi E. Qarashókeev «Aýyl sharýashylyǵyn damytýdyń ózekti máseleleri men perspektıvalary» taqyrybyna arnalǵan parlamenttik tyńdaýda.

Onyń aıtýynsha, salany memlekettik qoldaý máselelerinde de eleýli kemshilikter bar. Eń aldymen, bul sýbsıdııalaý tetikteriniń kúrdeliligi, sýbsıdııa alýdyń sharttarynyń kóptigi. Sonymen qatar sýbsıdııalar negizinen iri bıznes sýbektilerine jáne de tehnologııalyq protsesterdi qoldaýǵa baǵyttalǵan.

«Osyndaı olqylyqtar men naqty ındıkatıvtik kórsetkishterdiń bolmaýy, sondaı-aq sýbsıdııa alýshylardyń jaýapkershilikteriniń joqtyǵy jemqorlyqqa jol ashyp otyrǵany búgingi kúni barshaǵa málim», - dedi mınıstr.

Budan buryn habarlanǵandaı, Erbol Qarashókeev saladaǵy negizgi problemalardy aıtty.