Sýarmaly sý tapshy: ShQO-da qıraǵan bóget qalpyna keltirilýde

ÓSKEMEN. QazAqparat - Shyǵys Qazaqstan oblysy Kúrshim aýdanynda qıraǵan bóget qalpyna keltirilýde, dep habarlaıdy QazAqparat tilshisi.

QR Ekologııa, geologııa jáne jáne tabıǵı resýrstar mınıstrliginiń málimetine súıensek, Kúrshim aýdanyndaǵy Kúrshim ózeninde sý tasqyny saldarynan Jaýǵashty kanalyn sýmen qamtamasyz etip otyrǵan bóget qıraǵan.

«Bóget 2016 jyldan beri «Qazsýshar» RMK fılıalynyń balansynda tur. Buryn kommýnaldyq menshikte bolǵan. 9 maýsym kúni Kúrshim ózeninde sý tasqyny bolǵan soń sý deńgeıi tómendep, sharýalar sýarmaly sýdyń jetispeýshiligin sezinip otyr«, - delingen habarlamada.

Búgingi tańda «Qazsýshar» RMK Shyǵys Qazaqstan oblystyq fılıaly bógetti qalpyna keltirý jumystaryn júrgizip jatyr. «Qazsýshar» RMK ortalyq apparatynan jergilikti jerdegi jumystardy úılestirý úshin mamandar men qosymsha tehnıka jiberildi.

Jospar boıynsha qalpyna keltirý jumystary 24 maýsymda aıaqtalmaq