Sýarmaly alqaptarda sýdyń biraz bóligi eskirgen magıstraldyq jelide joǵalady
Sýarmaly egistikterdegi sý tıimsiz jumsalady. Senatordyń pikirinshe, sýdy paıdalanýdy basqarýdyń uıymdastyrý qurylymyna baılanysty kemshilikter jáne sý paıdalanýshylardan túsken qarjynyń tıimsiz jumsalýy onyń negizgi sebebi bolyp otyr.
«Іs júzinde fermer úshin qajet bolǵan kezde jerdiń shamamen 30%-y tıisti sý mólsherimen qamtamasyz etiledi, bul óz kezeginde sýarmaly jerlerdiń ónimdiligine áser etedi. Sonymen qatar, sýarylatyn jerdiń negizgi bóligine jatatyn 75,8% nemese 1,1 mln gektardan astam aýmaǵy áli kúnge deıin jerústi ádisimen sýarylady. Mundaı eskirgen sýarý jelisi arqyly jetkiziletin sýdyń 60%-dan astamy joǵalady. Bul ádis múlde tıimsiz», - dedi senator.
Sýdyń tapshylyǵy jaǵdaıdy nasharlatady jáne jyl saıyn ulǵaıyp barady. Senator arnalar men sý qoımalaryn qalpyna keltirý, sondaı-aq fermerlerdi sýdy únemdeý tehnologııasyna tezirek kóshýge yntalandyrý jaǵdaıdy jaqsartýǵa kómektesedi dep sanaıdy.
Depýtat tolyqtaı jabyq tizbekti jańa sýarý jelisin qalpyna keltirý jáne salý baǵdarlamasyn iske qosýdy usynyp otyr. Sýdyń qubyr nemese beton arnalary arqyly sýarý ýchaskelerine jetýine kepildik berilýi kerek.
«Oblystar boıynsha alańdardy belgileı otyryp, Sý únemdeý tehnologııasyn engizý jóninde jol kartasyn ázirleý jáne bekitý qajet. Barlyq ırrıgatsııalyq arnalar men sý qoımalaryna tekserý júrgizý, onyń qorytyndysy boıynsha ıesiz kanaldar men sý aıdyndaryn memleket menshigine qaıtarý kerek», - dedi Zakırjan Kýzıev.