Sý únemdeıtin ózbekstandyq fermerlerge salyqtyq jeńildikter usynylady

<p>2025 jyldan bastap Ózbekstanda sý únemdeý tehnologııalaryn engizgen sharýalarǵa salyq jeńildikteri beriledi. Bul Ózbekstan basshysynyń &laquo;Sý resýrstaryn basqarý júıesin jetildirý jáne olardyń tıimdiligin arttyrý sharalary týraly&raquo; 2024 jylǵy 5 qańtardaǵy qaýlysynda jazylǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Tıisti qujat sýdy paıdalaný mádenıetin arttyrýǵa jáne halyq sanasynda qalyptasqan «sý tegin» degen paıymnan aryltýǵa baǵyttalǵan.

Qaýlyǵa sáıkes, 2025 jyldan bastap sýdy únemdeıtin tehnologııalardy engizý jáne ólsheý quraldarynyń negizinde sý jınaý kólemin anyqtaý barysynda salyq stavkasyna 0,5 tómendetý koeffıtsıenti qoldanylady.

Eger atalǵan talaptardyń biri oryndalsa, onda salyq stavkasy 0,7 koeffıtsıentke deıin tómendeıdi.

Al sý únemdeý tehnologııalary men sý ólsheý aspaptary bolmasa, onda salyq stavkasyna 1,5 arttyrý koeffıtsıenti qoldanyla otyryp esepteledi.

Atalǵan tehnologııalardy engizý úshin fermerlerge 2024 jyldan bastap 2 jyldyq jeńildikti kezeń jáne 14 paıyzben 5 jylǵa nesıe berile bastaıdy. Bul rette Qaraqalpaqstan men Horezm oblysynda sharýalar kredıttiń jyldyq 10 paıyzyn ǵana tóleıdi, al qalǵan 4 paıyzy memlekettik bıýdjet esebinen óteledi.

Eske sala keteıik, buǵan deıin Ózbekstan sýdy únemdeý úshin tótenshe jumys rejımine kóshetinin habarlaǵan bolatynbyz.