Sý únemdeý tehnologııasy: elimizdegi eń alǵashqy zaýyt Túrkistan oblysynda iske qosyldy

<p>TÚRKІSTAN. KAZINFORM &mdash; Túrkistan oblysyna 2030 jylǵa qaraı sý únemdeý tehnologııalaryn 216,3 myń gektarǵa engizý josparlanǵan. Búginde 32 myń gektardan astam alqapqa sý shyǵynyn azaıtý tehnologııalary engizilýde. Jańa júıe sýdy 2 ese únemdep, ónimdi 3 ese arttyrady. Memleket basshysynyń tapsyrmasyn iske asyrý barysy Túrkistan oblysynyń ákimi Darhan Satybaldynyń jiti nazarynda. Osylaısha sý únemdeý tehnologııalarynyń qoljetimdiligin arttyrý baǵytynda elimizdegi eń alǵashqy zaýyt Túrkistan oblysynda iske qosyldy. Bul týraly Túrkistan oblysy ákimdiginiń baspasóz qyzmeti málimdedi.&nbsp;</p>

Saýran aýdanynyń Shaǵa aýyldyq okrýgindegi ónerkásiptik park aımaǵynda «BNK Group» BNK kompanııasy amerıkalyq «Nelson Irrigation» kompanııasymen birlesip, «BNK IRRIGATION» saýda belgisimen aınalmaly jáne frontaldy áreket etetin jańbyrlatqysh mashınalar óndirisin iske qosty. Bul Qazaqstanda sý únemdeý tehnologııalaryn keńinen qoldaný úshin sý shashyratqysh mashınalardyń tolyq tsıklin óndirýdi jolǵa qoıýǵa múmkindik beretin iri jáne kóp mıllıardtyq ınvestıtsııalyq joba.

Budan bólek, atalǵan «BNK Group» BNK kásipornynyń jylyna 50 myń ga qamtıtyn jáne «Turan sý» mekemesi janynan jylyna 9 myń ga qamtıtyn tamshylatyp sýǵarý qondyrǵylaryn shyǵaratyn 2 zaýyt ashylady.

Foto: Túrkistan oblysy ákiminiń baspasóz qyzmeti

Tamshylatyp sýarý júıelerin shyǵaratyn tórtinshi zaýyt sheteldik ınvestordyń qoldaýymen Otyrar aýdanynda júzege aspaq. Іri ınvestor tekstıl klasterin qurý boıynsha óńirge 440 mln. AQSh dollaryn quıýǵa daıyn. Nátıjesinde 4 myńnan astam jańa jumys orny ashylady.

Tamshylatyp sýarý arqyly maqtany egýdiń ozyq tásilin egýde jergilikti dıqandar tájirıbe alýda. Kompanııa oblysta Túrkistan oblysynda PVH qubyr shyǵaratyn zaýyt, tamshylatyp sýarý júıelerin shyǵaratyn zaýyt, 2 maqta óńdeý zaýytyn, «Turan» arnaıy ekonomıkalyq arnaıy ekonomıkalyq aımaǵynda jip ıirý fabrıkalary men boıaý jáne árleý fabrıkasyn jáne tigin fabrıkasy sııaqty ınvestıtsııalyq jobalaryn iske qosýdy josparlap otyr. 

«Túrkistan oblysynda 2024-2027 jyldar aralyǵynda óńir ekonomıkasynyń damýyna tyń serpin beretin 2,2 trln. tg. 145 ınvestıtsııalyq jobany júzege asyrý josparlanǵan. Osy jyldyń ózinde 62 joba josparlanyp, búgingi kúnge 24-i iske qosyldy. Aýqymdy jobalar tolyq iske asqanda 18 myń jańa jumys oryndary ashylatyn bolady», — delingen habarlamada.

Foto: Túrkistan oblysy ákiminiń baspasóz qyzmeti

Іri óndiristik jobalardyń qatarynda qýattylyǵy 926,5 MVt quraıtyn bý-gaz qondyrǵysy, munaı óńdeý zaýyty, kaýstıkalyq soda, PVH, tsement, karbıd jáne ák shyǵarý zaýyttary, kúkirt qyshqylyn óndirý zaýyty, júgerini tereń óńdeý zaýyty, aýyz sý jáne túrli-tústi sýsyndardy shyǵarý zaýyty men tekstıl klasteri zaýyttary bar.

«Investıtsııalyq jobalar óńirdiń ekonomıkalyq kórsetkishterine oń serpin berip keledi. Aǵymdaǵy jyldyń 6 aıynda makroekonomıkalyq kórsetkishter joǵary ósim kórsetti. Ónerkásip óniminiń kólemi 106,8%-ǵa, óńdeý ónerkásibi 111,2%-ǵa ulǵaıdy. Ekonomıkaǵa tartylǵan ınvestıtsııalar kólemi 137,8%-ǵa ósti. Nátıjesinde myńǵa jýyq jumys orny ashylyp, óńirde ónerkásip jandanyp keledi. Túrkııa jáne Koreıa Respýblıkasy men Qytaı Halyq Respýblıkasynan óńirge ınvestıtsııa tartý boıynsha aýqymdy jumystar júrgizilip jatyr», — dep habarlady oblystyq ákimdiktiń baspasóz qyzmetinen. 

Jumystardy kúsheıtý úshin oblys ákimi Darhan Satybaldy bastaǵan Túrkistan oblysy delegatsııasy, keıin aýdan jáne qala ákimdikteri, bıznes ókilderimen birlese Qytaıǵa is-saparlar uıymdastyryldy. Nátıjesinde kórshi eldiń jańa tehnologııasy men qytaılyq ınvestorlardyń kapıtalymen birqatar jobalar bastaý aldy.Osy jumystardyń nátıjesimen óńir ekonomıkasyna shamamen 1,2 trln. teńge ınvestıtsııa baǵyttalady. Olardyń qatarynda tekstıl klasterin qurý boıynsha iri jobalar bar.

Foto: Túrkistan oblysy ákiminiń baspasóz qyzmeti

Qýattylyǵy 800 MVt quraıtyn kún jáne jel elektrostantsııasynyń qurylysy, Túrkistan qalasynda 5 juldyzdy qonaq úı, bıznes ortalyq jáne akvapark qurylysy josparlanǵan.Sonymen qatar bul elmen ІT salasynda tájirıbe almasý, aýyl sharýashylyǵy salasyn damytý, ozyq tehnologııamen qamtý, tereń óńdeý, bilim, mádenıet, týrızm, Túrkistan qalasyndaǵy áýejaıdyń logıstıkalyq áleýetin paıdalaný, áýe reısin ashý jáne ózge de máselelerde áriptestik ornatý boıynsha kelissózder júrgizdi. 

Túrkistan oblysymen birqatar provıntsııa arasynda baýyrlastyq, dostyq qatynastardy ornatý týraly memorandýmdarǵa qol qoıyldy. Onymen qosa, oblysqa sheteldik ınvestıtsııalardy tartý maqsatynda kókónis qoımasynyń qurylysy, qurylys materıaldar óndirý zaýytynyń qurylysy, aýrýhana ashý, iri qara mal terisin óńdeý óndirisin ashý, jıhaz shyǵarý, drondardy qurastyrý jáne sanıtarlyq-gıgıenalyq materıaldardy óndirý zaýytyn ashý sekildi birqatar memorandýmdarǵa qol qoıyldy. Jumystar jalǵasady.