Sý tasqynynyń aldyn alý: ShQO-da arnaıy shtab quryldy
ShQO Tótenshe jaǵdaılar departamenti baspasóz qyzmetiniń málimetine súıensek, 3-4 naýryz aralyǵynda óńir aýmaǵynda sý tasqyny kezeńine daıyndalý maqsatynda «Kóktem-2022» komandalyq-shtabtyq oqý-jattyǵý ótkizildi.
«Búginde oblysta azamattyq qorǵaý qyzmeti men múddeli organdardan arnaıy shtab quryldy. Olar sý tasqyny kezeńindegi barlyq is-qımyldardy pysyqtady. 2 kúnde qutqarý bólimsheleriniń tótenshe jaǵdaılardyń saldaryn joıýǵa daıyndyǵyna baǵa berilip, jumysty odan ári jetildirýdiń basym baǵyttary aıqyndaldy», - delingen aqparatta.
Aımaq boıynsha jergilikti atqarýshy organdar 299 myń tekshe metr qar shyǵarǵan. 360 shaqyrym aryqtar men kanaldar, kólik jáne temir joldardaǵy 1820 sý ótkizý qurylystary tazalandy. 57 shaqyrym sý burý kanaldary ornatylyp, 99 myń dana ydys-qap, 6,4 myń tonna ınertti materıal daıyndaldy.
Naýryz aıynda 7 aýdandaǵy Buqtyrma, Ertis, Kúrshim, Úbe ózenderinde muzdy jarý jumystary júrgizilmek. Qazirgi ýaqytta oblystaǵy gıdrologııalyq jaǵdaı turaqty.