Sý tasqynynan úıler qulasa, shyǵyn jergilikti bıýdjetten óteledi - TJM

ASTANA. QazAqparat – Sý tasqynyna qatysty Túrkistan oblysynda tótenshe jaǵdaı jarııalanýy múmkin be? Bul saýalǵa Tótenshe jaǵdaılar birinshi vıtse-mınıstri Ibragım Kúlshimbaev jaýap berdi, dep habarlaıdy QazAqparat tilshisi.

«Tótenshe jaǵdaı jarııalaýdyń óz erejesi bar. Eger shyǵyn kelmese, úılerdiń sý astynda qalýy degen sekildi zardap bolmasa, onda tótenshe jaǵdaı jarııalanbaıdy», - dedi Ibragım Kúlshimbaev OKQ ótken brıfıngide BAQ ókilderiniń saýalyna jaýap bere otyryp.

Tilshiniń demek óńirdegi jaǵdaı turaqty ǵoı? degen naqtylaý suraǵyna «Jaǵdaı turaqty», dep qysqa qaıyrdy.

Odan bólek, mınıstrdiń birinshi orynbasary turǵyndar tótenshe jaǵdaıda qaıda barý kerektigi jáne shyǵyndy óteýge qatysty túsinik berdi.

«Bizdiń mınıstrlik jáne jergilikti atqarýshy organdardyń kúshimen eldi mekenderde arnaıy evakýatsııalyq beketter (pýnkt) uıymdastyrylǵan. Tótenshe jaǵdaıda qaıda barý kerektigin jergilikti halyq biledi. Eger turǵyndardyń úıleri qulap nemese basqa da zardap kelse onda shyǵyn óteledi. Ol úshin jergilikti bıýdjette qarjy qarastyrylǵan. Eger jetpese qarjy respýblıkalyq bıýdjetten qaralady»,- deıdi ol.

Buǵan deıin I.Kúlshimbaev Túrkistan oblysyndaǵy sý tasqynyna qatysty sońǵy málimetpen bólisken edi.

Foto: Túrkistan oblysy ákimdiginiń baspasóz qyzmeti