Sý tasqyny: ShQO-ǵa din ókilderi gýmanıtarlyq kómek jetkizdi

ÓSKEMEN. QazAqparat - Shyǵys Qazaqstannyń dinı birlestik ókilderi Zyrıan aýdanynyń tasqynnan zardap shekken turǵyndaryna gýmanıtarlyq kómek berdi, dep habarlaıdy QazAqparat tilshisi.

Áýeli Grehov aýylyna at basyn tiregen din ókilderi ondaǵy ońaltý ortalyǵynda jatqan Maleev aýylynyń turǵyndarymen kezdesti. Budan keıin Zýbov kentindegi turǵyndardyń hal-jaǵdaıyn bildi. Turǵyndar jergilikti ákimdik tarapynan da, oblys basshylyǵy tarapynan da ýaqtyly kómek jetip jatqanyn aıtty.

Dinı birlestik ókilderi zyrıandyqtarǵa 8 tonnadan astam un, makaron, jarma ónimderi men kúnbaǵys maıyn, kórpe-jastyq pen kıim-keshek tabystady. Al apatqa baılanysty ashylǵan arnaıy qorǵa 1,5 mln teńge aýdaryldy.

«Óńirde mundaı tabıǵı apat bolyp jatqanda dinı birlestik ókilderi de shet qalmady. Olarǵa tek qana metarıaldyq turǵydan kómek kórsetip qoımaı, eldi sabyrǵa shaqyryp, moraldyq turǵydan demeý bolǵysy keldi. Sol sebepten osy sapardy uıymdastyrdyq», - deıdi oblystyq din isteri jónindegi basqarma basshysynyń orynbasary Tımýr Jigitaev.