Sý tasqyny kezinde 61 myń adamdy evakýatsııalaıtyn poıyz daıyndaldy
«61 myń adamdy evakýatsııalaýǵa 1 713 lokomotıv, 1 603 vagon daıyndaldy. Sondaı-aq, arnaıy tehnıkasy bar 84 qalpyna keltirý jáne órt sóndirý poıyzy daıyn. Qazirgi ýaqytta 2 975 tekshe metr kesek tas jáne 8 250 dana standartty emes temirbeton shpaldary daıyndalǵan. Tehnıkanyń jáne materıaldardyń daıyndyǵy – 100 paıyz», - dedi mınıstr.
Onyń aıtýynsha, «2021-2023 jyldarǵa arnalǵan sý tasqyndarynyń aldyn alý jáne joıý boıynsha is-sharalar kesheni» jol kartasy aıasynda mınıstrlikte 1 is-shara qarastyrylǵan.
«Ol Qaraǵandy oblysynda Kókpekti-Qaraǵaıly ýchaskesinde Qarasor kólin aınalyp ótetin temir jolyn salýǵa qatysty. Qazirgi tańda Mınıstrlik atalǵan jobany iske asyrý máselesin pysyqtap jatyr. Jalpy sý tasqyny kezeńine daıyndyq jumystary mınıstrliktiń arnaıy baqylaýynda tur», - dedi Beıbit Atamqulov.