Sý tasqyny: Álıhan Smaıylov Tótenshe jaǵdaılar men Ekologııa mınıstrlikterine birqatar tapsyrma berdi
Gıdrotehnıkalyq qurylystardyń jaı-kúıi erekshe alańdaýshylyq týdyrady. Ekologııa mınıstrligi tek respýblıkalyq qurylystardyń ǵana jóndeý jumystaryn eskeredi. Kommýnaldyq jáne jeke sý qoımalary, bógetter kóptegen jyldan beri nazardan tys qalyp keledi. Sondyqtan Ekologııa mınıstrligi óńir ákimderimen birlesip, qaraýsyz nysandardyń menshik ıelerin anyqtaýy ári kommýnaldyq jáne jekemenshik gıdrotehnıkalyq qurylystardy jóndeý is-sharalaryn ázirleýi kerek. Qazirden bastap sý qoımalaryn toltyrý kólemin anyqtap, oǵan únemi baqylaýdy qamtamasyz etý qajet. Qajettilik týyndaǵan jaǵdaıda sý qoımasynan sýdy ýaqytyly ári qaýipsiz aǵyzý is-sharalaryn qabyldaǵan jón», - dedi Álıhan Smaıylov Úkimet otyrysynda.
Sonymen qatar ol Qazgıdromet kóktemge arnalǵan boljam derekterin ýaqytyly usynýy tıistigin basa aıtty.
«Jalpy, Tótenshe jaǵdaılar mınıstrligi múddeli memlekettik organdarmen jáne ákimdiktermen birge sý tasqynyna qarsy barlyq is-sharany úılestirip, sapaly júzege asyrylýyn qamtamasyz etýi tıis. Sonymen qatar Ekologııa mınıstrligimen birlesip, shekaralas memlekettermen transshekaralyq ózdenderdiń sý shyǵyny men týyndaıtyn qaýip-qaterge qatysty málimetterdi únemi almasyp turýdy uıymdastyrýy qajet. Óńir ákimderimen birge tıisti jedel shtabtardy qurý, kúshter men quraldardy daıyndaý, sý tasqyny qateri týyndaǵan jaǵdaıda halyqty der ýaqytynda qulaqtandyrý is-sharalaryn qamtamasyz etýi kerek. Búgin aıtylǵan is-sharalardy iske asyrý máselesin bir aıdan keıin taǵy da qaraıtyn bolamyz», - dedi Úkimet basshysy.
Foto: primeminister.kz