Qanat Bozymbaev 2 kúnde tasqynnan kelgen birinshi qajettiliktegi múlik shyǵynyn óteý algorıtmin ázirleýdi tapsyrdy

<p>ASTANA. KAZINFORM &ndash; Premer-Mınıstrdiń orynbasary Qanat Bozymbaev beıindi mınıstrlikterge eki kún merzimde sý tasqyny saldarynan joǵalǵan nemese búlingen birinshi qajettiliktegi múlik úshin zalaldy óteý algorıtmin ázirleýdi tapsyrdy. Bul týraly Úkimettiń baspasóz qyzmeti habarlady.</p>

Mundaı múliktiń tizimine: tamaq saqtaýǵa jáne daıyndaýǵa arnalǵan zattar, tamaq ishýge jáne uıyqtaýǵa arnalǵan jıhaz zattary, azamattardy aqparattandyrý quraldarynyń zattary, sýmen jabdyqtaý jáne jylytý quraldary kiredi.

Bul ótemaqyny jergilikti atqarýshy organdar bıýdjet jáne bıýdjetten tys qarajattan qarastyratyn bolady.

Buǵan deıin Úkimet sý tasqynynan zardap shekken azamattar memleketten qandaı kómek kúte alady degen Jadynama jarııalaǵan bolatyn.

Budan basqa, Qanat Bozymbaevtyń tapsyrmasy boıynsha eki kún ishinde úlken sýdan zardap shekken egistik jer ıeleri men aýyl sharýashylyǵy taýaryn óndirýshilerge qarjylyq kómek kórsetý algorıtmi ázirlenetin bolady.