Sý tasqynynan zardap shekkenderdiń nesıesi 3 aı merzimge shegeriledi

<p>ASTANA. KAZINFORM &ndash; Memleket basshysy Qasym-Jomart Toqaevtyń 12 óńirdegi sý tasqynynan zardap shekkenderge kómek kórsetý týraly tapsyrmasy sheńberinde QR Qarjy naryǵyn retteý jáne damytý agenttigi banktermen jáne mıkroqarjy uıymdarymen birlesip, zardap shekken azamattarǵa, shaǵyn jáne orta bıznes sýbektilerine qoldaý kórsetý is-sharalaryn júzege asyryp jatyr.</p>

Ortalyq kommýnıkatsııalar qyzmetinde ótken brıfıngte atalǵan agenttikke qarasty Qarjy qyzmetterin tutynýshylardyń quqyqtaryn qorǵaý departamenti dırektorynyń orynbasary Qaırat Turymtaev sý tasqynynan zardap shekkenderdiń nesıesin retteý máselesine toqtaldy.

«Jergilikti atqarýshy organdardyń tizimderine sáıkes, sý tasqynynan zardap shekkender sanatyna jatqyzylǵan barlyq azamattardyń kredıtteri boıynsha tólemder avtomatty túrde 2024 jylǵy 1 sáýir – 30 maýsym aralyǵynda 3 aı merzimge keıinge shegeriledi. Zardap shekken azamattardyń kredıtteri boıynsha sý tasqyny saldarynyń yqpalyna baılanysty týyndaǵan, tólemderdiń keshiktirilgeni úshin aıyppuldar men ósimpuldar keıinge qalady. Zardap shekken barlyq jeke kásipkerlerge, sondaı-aq sý tasqyny sharýashylyq qyzmettiń buzylýyna ákep soqqan shaǵyn jáne orta bıznes sýbektilerine olardyń bergen ótinishteri eskerile otyryp, kredıtter boıynsha tólemderdi keıinge qaldyrý múmkindigi beriledi», – dedi ol.

Bankter men MQU qaryz alýshylardyń múlki men jeke sharýashylyǵyna, tabysy men qarjylyq jaǵdaıyna keltirilgen zııannyń áserin baǵalaý úshin árbir zardap shekken qaryz alýshynyń jaǵdaıyna jeke taldaý júrgizbek.

Sonyń negizinde kredıtter boıynsha derbes qoldaý kórsetýdiń qosymsha sharalary aıqyndalady.