Sý tasqynynan zardap shekkender kommýnaldyq tólemderdi keıin tóleıdi

<p>ASTANA. KAZINFORM - Sý tasqynynan zardap shekken aımaqtardaǵy tutynýshylardyń kommýnaldyq tólemderi boıynsha sharalar qabyldandy, dep habarlaıdy QR Ulttyq ekonomıka mınıstrliginiń Tabıǵı monopolııalardy retteý komıteti.</p>

Komıtettiń baspasóz qyzmetiniń habarlaýynsha, elimizdiń birqatar aımaǵynda sý tasqyny jaǵdaıyna baılanysty jergilikti aýqymdaǵy tótenshe jaǵdaı rejımi jalǵasýda. Zardap shekken qazaqstandyqtarǵa jan-jaqty kómek kórsetilýde.

QR Úkimeti tutynýshylardyń kommýnaldyq tólemderin tóleýdi keıinge qaldyrý týraly sheshim qabyldady.

​Keıinge qaldyrý naýryz jáne sáýir aılaryndaǵy kommýnaldyq tólemderdi qamtıdy. Tólemdi tutynýshylar ósimpulsyz keıinirek júzege asyra alady.

Sý tasqynynan zardap shekken tutynýshylardyń tizimin (abonenttik nómirler) jergilikti atqarýshy organdar qalyptastyratyn bolady.

Bul tizimder kommýnaldyq kásiporyndarǵa jiberiledi, olar óz kezeginde kommýnaldyq tólemderdi keıinge qaldyrý boıynsha tıisti sharalardy qabyldaıdy.

Suraqtar týyndaǵan jaǵdaıda tutynýshylar QR UEM TMRK-niń tıisti aýmaqtyq departamentine tómendegi nómirler boıynsha habarlasýlary qajet:

– QR UEM TMRK Aqmola oblysy boıynsha departamenti: 8 [phone];

– QR UEM TMRK Aqtóbe oblysy boıynsha departamenti: 8 [phone];

– QR UEM TMRK Atyraý oblysy boıynsha departamenti: 8 [phone];

– QR UEM TMRK Batys Qazaqstan oblysy boıynsha departamenti: 8 [phone];

– QR UEM TMRK Qaraǵandy oblysy boıynsha departamenti: 8 [phone];

– QR UEM TMRK Qostanaı oblysy boıynsha departamenti: 8 [phone];

– QR UEM TMRK Pavlodar oblysy boıynsha departamenti: 8 [phone];

– QR UEM TMRK Soltústik Qazaqstan oblysy boıynsha departamenti: 8 [phone];

– QR UEM TMRK Ulytaý oblysy boıynsha departamenti: 8 [phone].