Sý tasqynynan zardap shekken óńirdiń balalary Almaty oblysynda demalady
09:42, 10 Sáýir 2024
<p>QONAEV. KAZINFORM – Sý tasqyny bolǵan aımaqtardyń oqýshylary Almaty oblysynda ornalasqan jyl boıyna jumys isteıtin lagerlerde demalady.</p>
Almaty oblysy ákimdiginiń baspasóz qyzmeti málim etkendeı, 9 ben 15 jas aralyǵyndaǵy 70 bala Eńbekshiqazaq aýdany, Túrgen aýylyndaǵy «Taý janashar» balalar belsendi saýyqtyrý lagerinde demalady. Oqýshylardy ornalastyrý jumystary sáýir aıynyń 10 men 25 aralyǵynda júzege asady.
«Sondaı-aq 10-shy sáýirden 10-shy mamyrǵa deıin «Taý-Turan» balalar lagerinde 100 bala demalady dep josparlanyp otyr», - dep habarlady oblystyq ákimdikten.
Buǵan deıin Oqý-aǵartý mınıstrligi eń kóp zardap shekken aımaqtarda turatyn balalardyń saýyqtyrý ortalyqtaryna jiberilip jatqanyn málimdegen edi.