Sý tasqynynan zardap shekken Kólqamys turǵyndary 1 tamyzǵa deıin baspana alady
Tabıǵı apattan zardap shekken Jangeldın aýdanynyń otbasylary jalǵyz baspanalarynan aıyryldy. Prezıdent Qasym-Jomart Toqaevtyń tapsyrmasy boıynsha árbir muqtaj otbasyǵa memleketten jańa baspana beriledi. Atap aıtqanda, Taýysh aýylynda 22, al Kólqamys aýylynda 19 úı salynyp jatyr. Baspanalar Qostanaı oblysy ákimdigi men «Qazaqstan halqyna» qoǵamdyq qory arasynda jasalǵan memorandým aıasynda tıptik jobamen salynady. Árbir úıdiń jalpy aýdany 80 sharshy metr jáne quny shamamen 30 mıllıon teńgeni quraıdy.
«Men mundaı sý tasqynyn kórgen emespin. Jergilikti aýyl aqsaqaldarynyń aıtýynsha, qyzyl sý aýyl tóńiregin únemi aınalyp ótetin. Biraq bıyl jaǵdaı basqasha boldy. Sý aýylymyzdy túgeldeı basty. Volonterlerge evakýatsııaǵa kómekteskenderi, azyq-túlik ákelgenderi, zattardy orap, balalarǵa qaraǵandary úshin alǵys aıtamyn. Qazir bizge ýaqytsha kıiz úıler qoıyldy, bolashaqqa senimmen qarap, jańa baspanany kútemiz», – dedi Kolqamys aýylynyń turǵyny Temirhan Shoıbasov.
Aıta ketý kerek, «AMANAT» partııasy tabıǵı apattyń alǵashqy kúninen bastap zardap shekkenderge naqty kómek kórsetý jumystaryn shuǵyl bastady. Bul gýmanıtarlyq kómekti jınaý, «Jastar Rýhy» eriktilerin jumyldyrý, jaǵalaýlardy qum salynǵan qaptarmen nyǵaıtý, sý tasqynyna qarsy bógetter salý jáne taǵy basqa jumystar.
«Sý tasqyny kezinde biz turǵyndarmen kezdeskende olardyń kóbi jataqhanalar men basqa evakýatsııalyq pýnkterge ornalastyrylǵan edi. Qazir jaǵdaı jaqsaryp keledi, zardap shekkender óz baspanalaryn alýda. Kólqamysta 19 otbasy osy jazdyń 1 tamyzynda jańa úılerine qonystanady. Qosymsha 10 sottyq jer de beriledi. Jalpy Qostanaı oblysynda sý tasqynynan zardap shekkender úshin qurylys jáne turǵyn úı satyp alý jumystary jazdyń sońyna deıin aıaqtalady, – dedi Májilis depýtaty Berik Beısenǵalıev.
Al depýtat Erkin Ábil eger turǵyndar ótemaqy alý nemese joǵalǵan múlikti baǵalaý máselelerinde qıyndyqtar týyndasa, «AMANAT» partııasy «Quqyqtyq kómek» jobasy aıasynda tegin zańgerlik kómek kórsetetinin aıtty.
Bir kún buryn depýtattar Arqalyq qalasynda sý tasqynynan zardap shekken Arqalyq, Amangeldi jáne Jangeldın aýdandarynyń turǵyndary úshin salynyp jatqan 50 páterli úıdiń qurylys barysymen tanysty. Qyrkúıek aıynda úı paıdalanýǵa beriledi. 50 páterdiń 20-sy Arqalyq turǵyndaryna, 16-sy Amangeldi jáne 14-i Jangeldın aýdandarynyń turǵyndaryna arnalmaq. Budan bólek, Arqalyqta 78 zardap shekken otbasy úshin daıyn páterler satyp alyndy.