Sý tasqynynan zardap shekken dıqandarǵa qaryzǵa tuqym beriledi – mınıstrlik

<p>ASTANA. KAZINFORM &ndash; QR Aýyl sharýashylyǵy mınıstrliginiń resmı ókili Oljas Tilebaldın sý tasqynynan zardap shekken dıqandar týraly áńgimeledi jáne astyq qory jetkilikti ekenin aıtty.</p>

«Tuqymdyq materıaldar saqtalǵan astyq qoımalaryn sý basyp jatqany týraly habarlamalar bar. Osyǵan baılanysty biz birinshi kezekte sharýalarǵa úndeý aıtamyz: sý basý qaýpi tóngen jaǵdaıda óz múlkińizdi der kezinde qaýip-qaterden qorǵaý óte mańyzdy. Áńgime tek tuqym týraly ǵana emes, aýyl sharýashylyǵy tehnıkalary, janýarlar jáne qaýipsiz qashyqtyqqa tasymaldanýy tıis ózge de múlikter týraly bolyp otyr», - dedi spıker Respýblıkalyq aqparattyq shtabta ótken brıfıngide.

Onyń aıtýynsha, «Azyq-túlik korporatsııasy» ulttyq kompanııasynda, sondaı-aq Aýyl sharýashylyǵy tájirıbe stantsııalarynda aldaǵy egis naýqanyna qajetti astyq qory jetkilikti.

«Azyq-túlik korporatsııasy zardap shekken sharýalarǵa bólip tóleý shartymen tuqym berýge daıyn. Tuqymǵa qajettilik týyndaǵan jaǵdaıda sharýalar QR Aýyl sharýashylyǵy mınıstrliginiń senim telefondaryna habarlasýy qajet», - dedi O.Tilebaldın.

Jedel jeli jumysy 9.00-den 18.30-ǵa deıin (7172)573358, 87470943381 nómirleri boıynsha isteıdi.

Sonymen qatar, pavodki_kz_bot telegramm-boty táýlik boıy jumys isteıdi.