Sý tasqynynan saqtaný úshin keıbir joldardy májbúrli túrde buzyp jatyr

<p>ASTANA. KAZINFORM &ndash; Kólik mınıstrligi Avtomobıl joldary komıteti tóraǵasynyń orynbasary Ǵalymjan Ótenbaev eldi mekenderdi tasqyn sýdan aman alyp qalý maqsatynda keıbir joldardy májbúrli túrde buzyp jatqanyn aıtty.</p>

«Sý tasqynyna qarsy is-sharalardy qarjylandyrý avtojoldardy kútip ustaýǵa bólingen qarajat esebinen júrgizilýde», - dedi Ǵalymjan Ótenbaev OKQ-de ótken baspasóz máslıhatynda.

Sý tasqyny qaýpi bar ýchaskelerde joldardy rekonstrýktsııalaý sheńberinde kelesi jumystar atqarylyp jatyr:

- jasandy qurylystardyń qosymsha qurylysy;

- sý ótkizgish qubyrlardyń dıametrlerin jáne olardyń sanyn ulǵaıtý;

- jer tósemi úıindisiniń bıiktigin arttyrý.

«Júrgizilip jatqan sharalar jol ýchaskeleriniń buzylýyn boldyrmaýǵa jáne kólik quraldarynyń qaýipsiz ótýin qamtamasyz etýge múmkindik beredi. Eldi mekenderge qaýip tóndirmeý maqsatynda jergilikti atqarýshy organdarmen birlesip, erigen qar sýyn iri kólemde ótkizý úshin jol bólikterin májbúrli buzý jumystary júrgizilip jatyr», - deıdi komıtet basshysynyń orynbasary.