Sý tasqynynan keıin 22 734 adam óz úılerine oraldy - mınıstrlik
«Óńirlerde sý tasqynyna qarsy is-sharalar, azamattardy qulaqtandyrý, sý tasqyny saldaryn joıý jumystary jalǵasyp jatyr. Batys Qazaqstan jáne Atyraý oblystaryna Jaıyq ózeni arqyly Reseı Federatsııasy jaǵynan sý tasqynynyń ekinshi tolqynyna qarsy is-sharalar erekshe baqylaýda tur. Ótken táýlikte Batys Qazaqstan oblysynda 81 523 qapshyq jáne 2 770 tonna ınertti materıal tóseldi, bógetterdiń irgesin kóterý ári nyǵaıtý jalǵasady. Atyraý oblysynda 824 myń qapshyq jáne 2 700 tonna ınertti materıal tóseldi, 4 424 km bóget turǵyzyldy, bógetterdiń irgesin nyǵaıtý jalǵasyp jatyr. Jaıyq ózeniniń sý deńgeıine monıtorıng jasalyp otyr, azamattardy qulaqtandyrý jáne teleradıo arqyly habarlandyrý ár 4 saǵat saıyn iske asyrylady», - dedi A. Shárip Ortalyq kommýnıkatsııalar qyzmetindegi brıfıngide.
Onyń aıtýynsha, qazirgi málimet boıynsha 22 734 adam óz úılerine oraldy. 8 809 adam, onyń ishinde 3 828 bala evakýatsııalaý pýnktterinde.
«Aqmola, Aqtóbe, Atyraý, Batys Qazaqstan, Soltústik Qazaqstan oblystarynda úıler men aýmaqtardan sýdy shyǵarý jumystary jalǵasyp jatyr. Avarııalyq-qutqarý jáne sý tasqynyna qarsy jumystarǵa 36 484 adam, 5 083 tehnıka, 888 sý sorý quraly, 381 júzý quraly, 16 áýe kóligijumyldyryldy», - dedi mınıstrlik ókili.