Sý tasqynynan kelgen shyǵyndardy óteý boıynsha kásipkerlerdiń 82,1% ótinimi maquldandy
Qazirgi ýaqytta kásipkerlerdiń múliktik shyǵyndaryn óteý úshin Úkimet rezervinen 12,1 mlrd teńge somasynda qarajat bólindi.
Jergilikti atqarýshy organdar usynǵan málimetterge sáıkes, 30 shildedegi jaǵdaı boıynsha kásipkerler tarapynan 9,3 mlrd teńge somasyna 455 ótinim kelip túsken, onyń ishinde 374 ótinim (82,1%) 5,8 mlrd teńgeden astam somaǵa maquldandy.
Sonyń ishinde 222 ótinim boıynsha kásipkerlerge 2,2 mlrd teńge kóleminde tólemder jasaldy.
«Eń kóp maquldanǵan: Atyraý oblysynda 2,1 mlrd teńgege 215 ótinim, Batys Qazaqstan oblysynda 2,5 mlrd teńgege 40 ótinim, Soltústik Qazaqstan oblysynda 901,8 mln teńgege 44 ótinim, Qostanaı oblysynda 206 mln teńgege 35 ótinim. Al eń az Aqtóbede oblysynda ıaǵnı 366 mln teńgege 24 ótinim jáne Aqmola oblysynda 61,1 mln teńgege 16 sýbektiniń ótinimi maquldanǵan.
Qyzmet túrleri boıynsha negizinen saýda obektileri, qoǵamdyq tamaqtaný oryndary, demalys bazalary men qonaq úıler jáne basqa sektorlarǵa zaqym kelgen. Atap aıtqanda, maquldanǵan ótinimderdiń 70%-dan astamy dúkender, saýda úıleri men bazarlar, shamamen 4%-ǵa jýyǵy qoǵamdyq tamaqtaný nysandary, 4%-y ónerkásiptik jáne azyq-túlik taýarlaryn óndirý nysandary, 3%-ǵa jýyǵy qonaq úıler, demalys bazalary jáne ózge de bıznes obektileri», — dep jazdy Ekonomıka mınıstrliginen.
Ótemaqy týraly ótinimdi óńirlik komıssııalar 5 jumys kúni ishinde qaraıdy jáne qarjylandyrý jetkilikti bolǵan jaǵdaıda 10 jumys kúni ishinde tólemder júzege asyrylady.
Qalǵan ótinimder boıynsha kásipkerlerge tólemderdi aǵymdaǵy jyldyń tamyz aıynyń sońyna deıin aıaqtaý josparlanýda. Kúrdeli jóndeýdi ári rekonstrýktsııalaýdy qajet etetin obektiler boıynsha qarajat saraptama jáne jobalyq-smetalyq qujattamany qabyldaý qorytyndylary boıynsha aýdarylatyn bolady.