Sý tasqynyna qarsy jumystarǵa 32 myńǵa jýyq adam jumyldyryldy

<p>ASTANA. KAZINFORM &ndash; Bes oblys aýmaǵynda 5 myńnan astam jeke úıdi sý basyp tur. Bul týraly QR Tótenshe jaǵdaılar mınıstrliginiń ókili Asqar Shárip aıty.</p>

«Qazirgi jaǵdaı boıynsha 21 494 adam óz úılerine oraldy. 8 786 adam, onyń ishinde 3 814 bala evakýatsııalaý pýnktterinde. Elimizdiń ortalyq jáne soltústik óńirlerinde sý tasqyny jaǵdaıy turaqtalýyna baılanysty jumyldyrylǵan TJM kúshteri turaqty jerlerine oralyp jatyr. Jaıyq jáne Esil ózenderiniń arnalarynda sýdyń kóterilý boljamyna baılanysty Batys Qazaqstan jáne Soltústik Qazaqstan oblystary erekshe baqylaýda tur», - dedi A. Shárip Ortalyq kommýnıkatsııalar qyzmetindegi brıfıngide.

Onyń aıtýynsha, Aqtóbe, Qostanaı, Aqmola, Atyraý, Soltústik Qazaqstan oblystarynda 5 862 jeke turǵyn úıdi, 1 065 aýla aýmaǵyn sý basyp tur.

«TJM Apattar medıtsınasy ortalyǵynyń psıhologtary sý tasqyny qaýpi bar óńirlerdiń turǵyndaryna shuǵyl psıhologııalyq jáne aqparattyq kómek kórsetý maqsatynda táýlik boıy kezekshilikti jalǵastyryp otyr. Turǵyndar jedel jeli telefonyna 2 036 ret qońyraý shalǵan. Avarııalyq-qutqarý jáne sý tasqynyna qarsy jumystarǵa 31 942 adam, 4 593 tehnıka, 797 sý sorý quraly, 325 júzý quraly, 14 áýe kóligi jumyldyryldy», - dedi vedomstvo ókili.