Sý tasqynyna qarsy is-sharalarǵa 50 myńnan astam volonter jumyldyryldy

<p>ASTANA. KAZINFORM &ndash; Mundaı málimetti QR Mádenıet jáne aqparat mınıstrligi taratty.</p>

Mınıstrliktiń baspasóz qyzmeti taratqan aqparattarǵa qaraǵanda, volonterler turǵyndardy evakýatsııalaýǵa atsalysyp, qutqarylǵan adamdarǵa alǵashqy medıtsınalyq, psıhologııalyq kómek kórsetedi, gýmanıtarlyq kómekti jınap suryptaıdy, jan-jaqqa jóneltip, aryq qazyp, bógetterdi kúsheıtedi. Qajet bolǵan jaǵdaıda qutqarý jáne áskerı qurylym qyzmetkerlerine ystyq tamaq uıymdastyrady.

Búgingi tańda volonterler shamamen 9903 tonna gýmanıtarlyq kómek jınady, onyń 6326 tonnasy s tasqynynan erekshe zardap shekken aımaqtarǵa jetkizildi jáne taratyldy.

Aqtóbe oblysynda azamattardy evakýatsııalaýǵa jáne gýmanıtarlyq kómek pýnktterindegi jumysqa 8600-den astam volonter jumyldy. Eki gýmanıtarlyq kómek pýnktinde 860 tonna gýmanıtarlyq kómek jınaldy. Volonterler kúsh-jigeriniń arqasynda 10 000 qutqarýshy men evakýatsııalanǵan turǵynǵa ystyq tamaq uıymdastyryldy.

Batys Qazaqstan oblysynda sý tasqynyna qarsy is-sharalarda 8 myńnan astam volonter jumys isteıdi, gýmanıtarlyq kómek jınaý pýnktterinde 780 tonnadan astam gýmanıtarlyq kómek jınaldy. 4 myńnan astam volonter qalanyń ártúrli aýdandarynda qaptarǵa qum toltyryp, bógetter salyp, sýdan qorǵaný sharalarymen aınalysyp jatyr.

Qostanaı oblysynda 10 000-nan astam volonter jumyldyrylyp, 550 tonnadan astam azyq-túlik, 720 tonna azyq-túlikke jatpaıtyn qajetti taýarlar jınaldy.

Atyraý oblysynda sý tasqynyna qarsy is-sharalarǵa 13 myńnan astam volonter tartyldy, gýmanıtarlyq kómek jınaý pýnktterinde 1890 tonna taýarlar men zattar jınaldy.

Atyraý qalasynda bógetterdi kúsheıtý úshin 107 pýnkt ornatyldy, áli de bógetter salynyp jatyr. Infraqurylymdyq obektilerdi qorǵaýǵa erekshe kóńil bólingen.

Soltústik Qazaqstan oblysynda 530 tonnadan astam gýmanıtarlyq kómek jınaldy, Túrkistan oblysynda 18 volonterler shtaby quryldy, zardap shekken óńirlerge 950 tonna gýmanıtarlyq kómek jiberildi.

«Astana qalasynyń 30 volonterlik uıymy 1120 tonna azyq-túlik jáne azyq-túlikke jatpaıtyn qajetti taýarlardy jınap berdi»,-delingen QR Mádenıet jáne aqparat mınıstrliginiń baspasóz qyzmeti taratqan aqparatta.