Sý tasqynyna daıyndyq: Aqtóbe sý qoımasyn keshendi rekonstrýktsııalaý bastaldy

<p>AQTÓBE. KAZINFORM &ndash; Aqtóbe oblysynda Elek ózenindegi Aqtóbe sý qoımasy rekonstrýktsııadan ótýde. 245 mıllıon tekshe metr sý jınaı alatyn nysan bıyl tasqyn kezinde úlken kólemde sý qabyldaǵan bolatyn.</p>

Sý qoımasynyń sý ótkizetin qurylystary men bógetinde qurylys-montajdaý jumystary júrgiziledi. Budan bólek, nysannyń kúzet dabyly men jaryqtandyrý, beınebaqylaý jáne elektrmen jabdyqtaý júıeleri jóndeledi.

Sý qoımasyn rekonstrýktsııalaý sý tasqyny kezeńine deıin aıaqtalady.

«Aqtóbe sý qoımasy strategııalyq nysan bolyp tabylady. Rekonstrýktsııalaý maqsaty - sý qoımasyn odan ári paıdalanýdyń senimdiligin, beriktigi men qaýipsizdigin arttyrý, apatty jaǵdaılar men sýmen qamtýdyń buzylýyna jol bermeý, Aqtóbe qalasynyń egis alańdary men ónerkásip oryndaryna sý berý kólemin ulǵaıtý. Atalǵan jumystar 2024-2030 jyldarǵa arnalǵan Sý resýrstaryn basqarý júıesin damytý tujyrymdamasyna sáıkes júrgizilip jatyr», - dedi Aqtóbe oblysy boıynsha «Qazsýshar» fılıalynyń dırektory Rınat Shaýenov.