Sý tasqynyna baılanysty Kolýmbııada tótenshe jaǵdaı jarııalandy

<p>BOGOTA. KAZINFORM &ndash; Kolýmbııa prezıdenti Gýstavo Petro elde tolassyz jaýǵan jańbyr saldarynan bolǵan sý tasqyny men kóshkinge baılanysty elde uttyq deńgeıdegi &laquo;tótenshe jaǵdaı&raquo; jarııalady. Bul týraly <a href="https://www.aa.com.tr/ru/%D0%BC%D0%B8%D1%80/%D0%BF%D1%80%D0%B5%D0%B7%D0%B8%D0%B4%D0%B5%D0%BD%D1%82-%D0%BA%D0%BE%D0%BB%D1%83%D0%BC%D0%B1%D0%B8%D0%B8-%D0%BE%D0%B1%D1%8A%D1%8F%D0%B2%D0%B8%D0%BB-%D0%B2-%D1%81%D1%82%D1%80%D0%B0%D0%BD%D0%B5-%D1%80%D0%B5%D0%B6%D0%B8%D0%BC-%D0%B1%D0%B5%D0%B4%D1%81%D1%82%D0%B2%D0%B8%D1%8F-%D0%B8%D0%B7-%D0%B7%D0%B0-%D0%BD%D0%B0%D0%B2%D0%BE%D0%B4%D0%BD%D0%B5%D0%BD%D0%B8%D0%B9/3391260" target="_blank" rel="noopener">Anadoly</a> jazdy.&nbsp;</p>

Memleket basshysy mundaı sheshim sý tasqynynan zardap shekken otbasylarǵa jedel kómek kórsetý maqsatynda qabyldanǵanyn málimdegen.

Petro bıliktiń klımattyń ózgerýinen týyndaǵan problemalarmen kúresip jatqanyn atap ótti. Prezıdenttiń aıtýynsha, eldiń kóptegen aımaqtary sý tasqynynan qatty zardap shekken.

Kolýmbııanyń Apat qaýpin basqarý jónindegi ulttyq bóliminiń (UNGRD) málimetinshe, nóser jańbyrdan 46 myń otbasy zardap shekken, La Gýajıra, Hýıla, Choko, Norte de Santander jáne Kaýka aımaqtarynda tótenshe jaǵdaı jarııalanǵan.

Áleýmettik jelide jarııalanǵan vıdeolarda el astanasy Bogotanyń soltústiginde sý basqan tas joldy kórýge bolady.

Petro UNGRD sý tasqynynan eń kóp zardap shekken mýnıtsıpalıtetterge kómek kórsetý úshin eki Ujymdyq ınvestıtsııalyq qor (FIC) arqyly 2,5 mıllıard kolýmbııalyq peso (570 000 AQSh dollary) bóletinin aıtty.

Kolýmbııada jańbyrly maýsymnyń bastalýymen kóptegen qalalarda sý tasqyny men kóshkin boldy.

Qosa keteıik, Ispanııada sý tasqyny qurbandarynyń sany 223-ke jetti.