Sý tasqynyna baılanysty qazaq-orys shekarasynda kólik jınalyp qaldy

<p>ASTANA. KAZINFORM — Ulttyq qaýipsizdik komıtetiniń shekara qyzmeti sý tasqynyna qatysty málimdeme jasady. </p>

Aqtóbe, ShQO, BQO, Abaı jáne Qostanaı oblystarynda qalyptasqan kúrdeli sý tasqyny jaǵdaıyna baılanysty Qazaqstan-Reseı shekarasynyń jekelegen baǵyttarynda respýblıkalyq jáne halyqaralyq mańyzy bar avtojoldarda kólik qozǵalysy shektelýi múmkin.

«Óz kezeginde shekara qyzmeti shekaranyń osy ýchaskelerindegi ótkizý pýnkteriniń aldynda keptelis paıda bolǵanyn habarlaıdy. Qalyptasqan jaǵdaıdy eskere otyryp, qozǵalys marshrýtyn túzetýdi usynamyz» deıdi komıtetten.