Sý tasqyny: ýaqytsha ornalastyrý pýnktterinde 990 bala bar

<p>ASTANA. KAZINFORM &ndash; Densaýlyq saqtaý mınıstrliginiń sońǵy málimetinshe sý tasqyny basqan óńirlerde 1 myńǵa jýyq bala ýaqytsha ornalasý pýnktterine jetkizildi.</p>

«Balalarǵa medıtsınalyq kómekke keletin bolsaq, ýaqytsha ornalastyrý pýnktterinde 990 bala bar. Dárigerler únemi tekserip, ár balanyń densaýlyǵyn baqylaýda. Densaýlyq saqtaý mınıstrligi, sondaı-aq barsha medıtsına qyzmetkeri aldaǵy ýaqytta da halqymyzdyń densaýlyǵy úshin jumys istep, qıyn-qystaý kezeńde muqtaj jandarǵa kómek pen qoldaý kórsetýdi jalǵastyra bermek», - dedi mınıstrliktiń resmı ókili Áıgerim Ýrazalıeva Ortalyq kommýnıkatsııalar qyzmeti alańynda ótken baspasóz máslıhatynda.

Mınıstrlik ókiliniń málimdeýinshe, sanıtarlyq-epıdemıologııalyq másele de vedomstvonyń turaqty baqylaýynda. Sýmen jabdyqtaý nysandary, kárizderge jáne zırattarǵa monıtorıng kúsheıtilgen.