Túrkııa úkimeti sý tasqynymen kúreste Qazaqstanǵa kómektesýge daıyn ekenin málimdedi

<p>ASTANA. KAZINFORM &ndash;<strong> </strong>Túrkııa Syrtqy ister mınıstrligi Qazaqstannyń birqatar óńirindegi sý tasqynyna baılanysty Túrkııa úkimeti qazaq halqyna jan-jaqty kómek kórsetýge daıyn ekenin málimdedi. Bul týraly <a href="https://www.aa.com.tr/en/asia-pacific/turkiye-stands-in-solidarity-with-kazakhstan-amid-devastating-floods/3185541" target="_blank" rel="noopener">Anadolu&nbsp;</a>agenttigi jazdy.</p>

«Qazaqstannyń túrli aımaqtaryndaǵy sý tasqyny jaǵdaıynyń saldaryn ókinishpen qabyldadyq», - dep habarlady Túrkııa Syrtqy ister mınıstrligi.

Sý tasqyny úlken shyǵyn ákelip, sý basqan aımaqtarda turatyn qazaqstandyqtardy evakýatsııalaýǵa májbúr etti.

Qazaqstan halqy men úkimetine shyn júrekten tilektestigin jetkizgen mınıstrlik sý tasqynymen kúreste Túrkııa Qazaqstanǵa kez kelgen kómekti kórsetýge daıyn ekenin aıtty.

Buǵan deıin Qyrǵyz Respýblıkasy Qazaqstanǵa 300 tonna gýmanıtarlyq kómek jibergenin jazǵan bolatynbyz.