Sý tasqyny: turǵyn úılerdi qalpyna keltirý úshin jedel toptar quryldy

<p>ASTANA. KAZINFORM &ndash; Sý basqan úıler men áleýmettik ınfraqurylymdy qalpyna keltirý jumystarymen aınalysatyn úsh jedel top quryldy. Onyń jumysy týraly mınıstrliktiń resmı ókili Merýert Ibraeva aıtyp berdi.</p>

«Memleket basshysynyń 12 sáýirdegi sý tasqynyna qarsy is-sharalardy úılestirý jáne sý tasqyny saldaryn joıý jónindegi respýblıkalyq shtab otyrysynda bergen tapsyrmasyn oryndaý sheńberinde Ónerkásip jáne qurylys mınıstrligi turǵyn úıdi, áleýmettik ınfraqurylymdy, kommýnaldyq sharýashylyq obektilerin qalpyna keltirý jónindegi barlyq jumysty jergilikti jerlerde úılestirý úshin 3 jedel top qurdy», - dedi Merýert Ibraeva Ortalyq kommýnıkatsııalar qyzmeti alańynda ótken baspasóz máslıhatynda. 

Resmı ókildiń málimdeýinshe, jedel toptyń quramyna Aýyl sharýashylyǵy, Kólik, Densaýlyq saqtaý, Sý resýrstary, Tótenshe jaǵdaılar, Ekologııa, Ǵylym jáne joǵary bilim vıtse-mınıstrleri, sondaı-aq Úkimet apparatynyń aımaqtyq ınspektorlary kirgen.