Sý tasqyny: saıajaı turǵyndary da baspanamen qamtamasyz etiledi
«Turǵyn úı máselelerin jedel sheshý úshin QR Ónerkásip jáne qurylys mınıstrligi naqty tetikterin ázirledi. Birinshiden, sý tasqynynan zaqymdanǵan shekken úılerdi jóndeý eskerilgen. Tehnıkalyq baıqaý qorytyndysy negizinde jóndeýge ákimdik merdigerleri tartylady nemese úı ıeleri ótemaqy esebinen úılerin ózderi jóndeýge de múmkindik alady. Al, eger úıdi qalpyna keltirý múmkin bolmasa, bul máseleni sheshýdiń eki joly qarastyrylǵan. ıAǵnı, jańa turǵyn úı salý, sondaı-aq jyljymaıtyn múlik naryǵynda daıyn turǵyn úıdi satyp alý qarastyrylǵan. Sonymen qatar, azamattardyń baspanany óz betinshe tańdaýǵa múmkindigi bolady. Bul jerde bekitilgen standartty jobadan aspaıtyn shyǵyndardyń lımıti bar ekenin atap ótken jón», - dedi M. Ibraeva Ortalyq kommýnıkatsııalar qyzmetindegi brıfıngide.
Onyń aıtýynsha, sý tasqyny oryn alǵan aımaqtardaǵy turǵyndardyń jalǵyz baspanasy retindegi saıajaılar da nazardan tys qalmaıdy. Saıajaı turǵyndary da baspanamen qamtamasyz etiledi.
«Turǵyn úı qurylysy ákimdikter bekitken tıptik jobalardy paıdalana otyryp júzege asyrylady. Turǵyn úı qujattary bolmaǵan jaǵdaıda, menshik quqyǵyn «Qazaqstan Ǵarysh Sapary» ulttyq kompanııasy, «Azamattarǵa arnalǵan úkimet» memlekettik korporatsııasy, áleýmettik qorǵaý, ishki ister jáne densaýlyq saqtaý organdary rastaıdy», - dedi resmı ókil.
Jańa turǵyn úı salý úshin QR Ónerkásip jáne qurylys mınıstrligi úsh klımattyq shaǵyn aýdan boıynsha mynadaı parametrlermen memlekettik saraptamanyń oń qorytyndysyn alǵan tıptik jobalardy ázirledi:
- aýdany 80 sharshy metr bir otbasylyq turǵyn úı. Qurylystyń merzimi – 1,5 aı.
- aýdany 160 sharshy metr eki páterli turǵyn úı. Qurylystyń merzimi – 2,5 aı.
Jobalar ákimdikterge ári qaraı iske asyrý úshin jiberilip, jergilikti jerde qaıta paıdalaný úshin memlekettik saraptama portalynda ornalastyryldy.
«Jergilikti ákimdikter jer telimderin anyqtap, daıyndyq jumystaryn atqaryp jatyr, ıaǵnı tıptik jobalardy aýmaqpen baılanystyrý jumystaryn, saraptama júrgizýdi bastaıdy. Memleket basshysynyń tapsyrmasyna sáıkes, Mınıstrliktiń basshylyǵymen 3 jedel top quryldy. Onyń quramyna salalyq memlekettik organdardyń vıtse-mınıstrleri kirdi», - dedi Merýert Ibraeva.