Sý tasqyny saldaryn joıýǵa 9 myńnan astam energetık tartyldy

<p>ASTANA. KAZINFORM &ndash; Elimizdiń sý basqan aımaqtarynda elektr qýatyn qalpyna keltirý jumystary belsendi júrýde. Bul týraly QR Energetıka mınıstrliginiń resmı ókili Shyńǵys Іlııasov aıtyp berdi.&nbsp;</p>

«Petropavl tutynýshylaryna elektr energııasyn shekteý tolyq kólemde alynyp tastaldy. Saǵat 9.20 shamasynda «SevKaz AEK» AQ elektr jelilerinde muzdyń aralyq tirekke zaqym kelgeni baıqaldy. Saǵat 14.38-de elektr energııasymen qamtamasyz etý boıynsha shekteýler alyndy, 20.45-te qalany elektrmen jabdyqtaý tolyǵymen qalpyna keltirildi», - dedi spıker Respýblıkalyq aqparattyq shtabta ótken brıfıngte.

Spıkerdiń aıtýynsha, birqatar óńirlerde oń dınamıka baıqalady. Qostanaı oblysynda ajyratylǵan abonentter sany 5 myńnan 1 myńǵa deıin qysqardy. Aqtóbe oblysynda 5,5 myńnan 103 abonentke deıin, Batys Qazaqstan oblysynda – 4 esege, al Atyraý oblysynda – 3 esege qysqardy.

«Tótenshe jaǵdaıdy joıýǵa 9 myńnan astam energetık mamandar, 2 145 birlik arnaıy avtotehnıka qatysýda. Elektr energııasynyń 414 mobıldi kózi bar. Aldaǵy kezeńde kerneýlerdiń ártúrli klastaryndaǵy elektr berý jelileriniń 1 867 tiregin qalpyna keltirý qajet. Saldardy joıý úshin barlyq qajetti materıaldar bar», - deıdi mınıstrlik ókili.